സെയ്ഫ് അലി ഖാന് നായകനായ 'താണ്ഡവ്' എന്ന വെബ്സീരീസ് സംബന്ധിച്ച് വിവാദം കനക്കുന്നു. പ്രതിഷേധത്തെ തുടര്ന്ന് താരത്തിന്റെ ഭാര്യയും നടിയുമായ കരീന കപൂറിന്റെ വസതിയ്ക്കു മുമ്പില് പൊലീസ് കാവല് ഏര്പ്പെടുത്തി.
അതെ സമയം വെബ് സീരീസിന്റെ സംവിധായകനും നിര്മ്മാതാവിനുമെതിരെ പൊലീസ് എഫ് ഐ ആര് ഫയല് ചെയ്തു. ലക്നൗവിലെ ഹസ്രത്ഗഞ്ച് പൊലീസ് സ്റ്റേഷനിലാണ് കേസ് ഫയല് ചെയ്തിരിക്കുന്നത്. മതസൗഹാര്ദ്ദം തകര്ക്കുന്ന വിധത്തിലാണ് വെബ് സീരീസിന്റെ അവതരണമെന്ന് വാര്ത്ത പ്രക്ഷേപണ മന്ത്രാലയത്തിലെ ഉദ്യോഗസ്ഥര് ചൂണ്ടിക്കാണിച്ചതിനെ തുടര്ന്നാണ് പൊലീസ് നടപടി ഉണ്ടായിരിക്കുന്നത്.