സിപിഎം വിട്ട് ബിജെപിയില് ചേര്ന്ന ദേവികുളം മുന് എംഎല്എ എസ് രാജേന്ദ്രനെതിരെ എം എം മണി. പാര്ട്ടിയെ വെല്ലുവിളിച്ചാല് കൈകാര്യം ചെയ്യുമെന്ന് എം എം മണി പറഞ്ഞു. മൂന്നാറില് നടന്ന പൊതുയോഗത്തിലായിരുന്നു എം എം മണിയുടെ പ്രതികരണം.
രാജേന്ദ്രനെ കൈ കാര്യം ചെയ്യുണമെന്നാണ് എം എം മണിയുടെ പരാമര്ശം. തന്റെ ഭാഷയില് തീര്ത്ത് കളയണം എന്ന് പറഞ്ഞ എംഎം കൈ കൊണ്ട് ആംഗ്യം കാണിക്കുന്നതും ദൃശ്യങ്ങളിലുണ്ട്. സിപിഎം പൊതുപരിപാടിയിലാണ് മണിയുടെ വാക്കുകള്. രാജേന്ദ്രനെ എല്ലാ കാലത്തും എംഎല്എ ആയി ചുമക്കാന് സിപിഎമ്മിന് കഴിയുമോ എന്നും എംഎം മണി ചോദിച്ചു.
രാജേന്ദ്രനും ഭാര്യയ്ക്കും ജീവിതകാലം മുഴുവന് പെന്ഷന് മേടിച്ച് ഞണ്ണാം രാജേന്ദ്രന് ചത്തുപോയാല് ഭാര്യയ്ക്ക് പെന്ഷന് കിട്ടും. പാര്ട്ടിയോട് രാജേന്ദ്രന് നന്ദി കാണിക്കണം. ജില്ല പഞ്ചായത്ത് പ്രസിഡന്റ് ആക്കി. മൂന്ന് തവണ എംഎല്എ ആക്കി. പെന്ഷന് അടക്കം ആനുകൂല്യം പറ്റിയിട്ട് പാര്ട്ടിയെ വെല്ലുവിളിച്ചാല് കൈ കാര്യം ചെയ്യണം. അത് ചെയ്യുന്നത് താനാണെങ്കിലും അതാണ് നിലപാടെന്നും എം എം മണി പറഞ്ഞു.
