റയിന്ഹാം: ഗ്രേറ്റ് ബ്രിട്ടന് സീറോമലബാര് എപ്പാര്ക്കി ഇവാഞ്ചലൈസേഷന് കമ്മീഷന്റെ നേതൃത്വത്തില്, ലണ്ടനില് വെച്ച് മാസാദ്യ ശനിയാഴ്ച്ചകളില് സംഘടിപ്പിക്കുന്ന 'ലണ്ടന് ബൈബിള് കണ്വെന്ഷന്' ഫെബ്രുവരി 7 ന് ശനിയാഴ്ച്ച ഉണ്ടായിരിക്കുന്നതാണ്. ലണ്ടനില് റയിന്ഹാം ഔര് ലേഡി ഓഫ് ലാസലേറ്റ് കത്തോലിക്കാ ദേവാലയത്തില് വെച്ചാണ് ബൈബിള് കണ്വെന്ഷന് ക്രമീകരിച്ചിരിക്കുന്നത്.
'കര്ത്താവ് പറഞ്ഞു: ഞാന് തന്നെ നിന്നോട് കൂടെ വരുകയും, നിനക്ക് ആശ്വാസം നല്കുകയും ചെയ്യും'. (പുറപ്പാട് 33 :14)
പ്രശസ്ത ധ്യാനഗുരുവും ലണ്ടനില് അജപാലന ശുശ്രുഷ നയിക്കുകയും ചെയ്യുന്ന ഫാ. ജോസഫ് മുക്കാട്ട് നേതൃത്വം നല്കും. ഗ്രേറ്റ് ബ്രിട്ടന് എപ്പാര്ക്കി ഇവാഞ്ചലൈസേഷന് കമ്മീഷന് ചെയര് പേഴ്സണും, കൗണ്സിലറും, പ്രശസ്ത തിരുവചന പ്രഘോഷകയുമായ സിസ്റ്റര് ആന് മരിയ SH, വിശുദ്ധഗ്രന്ഥ സന്ദേശങ്ങള് പങ്കുവെക്കുകയും, സ്പിരിച്ച്വല് ഷെയറിങ്ങിനു നേതൃത്വം നല്കുകയും ചെയ്യുന്നതാണ്. ഫാ. ഷിനോജ് കളരിക്കല് ശുശ്രൂകളില് പങ്ക് ചേരും.
2026 ഫെബ്രുവരി 7 ന് ശനിയാഴ്ച്ച രാവിലെ 9:30 ന് പരിശുദ്ധ ജപമാല സമര്പ്പണത്തോടെ ആരംഭിക്കുന്ന കണ്വെന്ഷനില് കുര്ബ്ബാന, തിരുവചന ശുശ്രുഷ തുടര്ന്ന് ആരാധനക്കുള്ള സമയമാണ്. കുമ്പസാരത്തിനും, സ്പിരിച്വല് ഷെയറിങ്ങിനും അവസരം ഒരുക്കുന്ന കണ്വെന്ഷന് വൈകുന്നേരം നാലു മണിയോടെ സമാപിക്കും. ഇംഗ്ലീഷിലുള്ള ശുശ്രുഷകളും ലഭ്യമാണ്.
ലണ്ടനില് നടത്തപ്പെടുന്ന ആദ്യ ശനിയാഴ്ച്ച ബൈബിള് കണ്വെന്ഷന് തിരുക്കര്മ്മങ്ങളിലും ശുശ്രുഷകളിലും പങ്കുചേര്ന്ന് ആത്മീയ നവീകരണവും, സൗഖ്യ ശാന്തിയും, കൃപകളും മാതൃ മദ്ദ്യസ്ഥതയില് പ്രാപിക്കുവാന് ഏവരെയും സ്നേഹപൂര്വ്വം കണ്വെന്ഷനിലേക്ക് സ്വാഗതം ചെയ്യുന്നു.
കൂടുതല് വിവരങ്ങള്ക്ക് ബന്ധപ്പെടുക:
മനോജ് തയ്യില് - 07848 808550
മാത്തച്ചന് വിളങ്ങാടന് - 07915 602258
Our lady Of La Salette R C Church, Rainham,1 Rainham Road, Essex,RM13 8SR, UK.
Appachan Kannanchira
