പേരാവൂരില് മത്സരിപ്പിച്ചതില് സിപിഐഎം സംസ്ഥാന സെക്രട്ടറിയേറ്റില് കടുത്ത അതൃപ്തി അറിയിച്ച് കെ. കെ ശൈലജ. മത്സരിക്കാന് താല്പര്യമില്ലാതിരുന്നിട്ടും നിര്ബന്ധിച്ച് മത്സരിപ്പിച്ചുവെന്നും ജയിക്കില്ലെന്ന് എല്ലാവര്ക്കും അറിയാമായിരുന്നുവെന്നുമാണ് ശൈലജ സെക്രട്ടറിയേറ്റില് അഭിപ്രായപ്പെട്ടത്.
കഴിഞ്ഞ നിയമസഭാ തെരഞ്ഞെടുപ്പില് മട്ടന്നൂരില് നിന്നും വന്ഭൂരിപക്ഷത്തോടെയാണ് കെ കെ ശൈലജ വിജയിച്ചത്. എന്നാല് ഇത്തവണ പേരാവൂരില് സിപിഐഎം കോട്ടകളില് നിന്നുള്ള വോട്ട് പോലും ലഭിച്ചിരുന്നില്ല.
പായത്ത് നിന്നും മൂവായിരത്തിന് മുകളില് വോട്ടുകള് ലഭിക്കുമെന്നായിരുന്നു പ്രതീക്ഷിച്ചിരുന്നത്. എന്നാല് 1500 വോട്ടിന്റെ ഭൂരിപക്ഷം പോലും കെ. കെ. ശൈലജയ്ക്ക് ലഭിച്ചില്ല. നാട്ടുകാരിയായ ശൈലജ 13 ബൂത്തുകളിലാണ് പായത്ത് മുന്നിട്ട് നിന്നതെങ്കില് സണ്ണി ജോസഫ് 12 ഇടങ്ങളില് ലീഡ് ചെയ്തു. ഇരിട്ടി നഗരസഭയിലും ശൈലജയെ പിന്നിലാക്കി സണ്ണി ജോസഫ് മുന്നേറുകയായിരുന്നു. 2200 വോട്ടിന്റെ മേല്ക്കൈയാണ് നഗരസഭയില് നിന്നു മാത്രം യുഡിഎഫിന് ലഭിച്ചത്.
