മോഹന്ലാലും സംവിധായകന് വിനയനും ഒന്നിക്കുമെന്ന വാര്ത്ത പുറത്തുവന്നതോടെ ചിത്രത്തിന്റെ പ്രഖ്യാപനത്തിനായി ആകാംക്ഷയോടെ കാത്തിരിക്കുകയാണ് ആരാധകര്. ഇരുവരും തമ്മിലുണ്ടായിരുന്ന അഭിപ്രായവ്യത്യാസങ്ങള് അവസാനിച്ചെന്നും ഇരുവരും ഒരു വലിയ സിനിമയ്ക്കായി ഒന്നിക്കുമെന്നുമായിരുന്നു വാര്ത്ത. വിനയന്റെ പുതിയ ചിത്രമായ പത്തൊന്പതാം നൂറ്റാണ്ടിന് ശേഷമായിരിക്കും ഈ ചിത്രം തുടങ്ങുകയെന്നും പ്രഖ്യാപനമുണ്ടായിരുന്നു.
ഇപ്പോഴിതാ ചിത്രത്തിനെ കുറിച്ച് ഒരു ആരാധകന്റെ ചോദ്യത്തിന് ഉത്തരം പറഞ്ഞിരിക്കുകയാണ് വിനയന്. 'കഥ ഒത്തു വന്നിട്ടില്ല.. വലിയൊരു സിനിമ ചെയ്യണമെന്നാണ് ആഗ്രഹം.. കഥ റെഡിയായാല് ഉടന് കാണും.' എന്നാണ് വിനയന് പറഞ്ഞിരിക്കുന്നത്.