CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
2 Hours 33 Minutes 46 Seconds Ago
Breaking Now

നടന്‍ ഗോവിന്ദയ്ക്ക് വെടിയേറ്റു; കാലിന് പരിക്കേറ്റ താരം ആശുപത്രിയില്‍

ബോളിവുഡ് നടന്‍ ഗോവിന്ദയ്ക്ക് വെടിയേറ്റു. ഗോവിന്ദയുടെ കാലിന് പരിക്കേല്‍ക്കുകയും ശക്തമായി രക്തം വരികയും ചെയ്തു. അബദ്ധത്തിലാണ് താരത്തിന്റെ കാലില്‍ വെടിയേറ്റതെന്നാണ് വിവരം. ഗോവിന്ദയെ മുംബൈയിലെ ക്രിറ്റി കെയര്‍ ആശുപത്രിയില്‍ പ്രവേശിപ്പിച്ചു. ഇന്ന് പുലര്‍ച്ചെ 4.45 ഓടെ വീട്ടില്‍ നിന്ന് പോകാനുള്ള തയ്യാറെടുപ്പിലാണ് സംഭവം.

ഗോവിന്ദ തന്റെ റിവോള്‍വര്‍ വൃത്തിയാക്കുന്നതിനിടെയുണ്ടായ തീപിടുത്തത്തെ തുടര്‍ന്നാണ് വെടിവെപ്പുണ്ടായതെന്നാണ് വിവരം. നിലവില്‍ അപകടനില തരണം ചെയ്തതായും പരിക്കേറ്റ് ചികിത്സയിലാണെന്നും മെഡിക്കല്‍ പ്രൊഫഷണലുകള്‍ അറിയിച്ചു.

അതേസമയം സംഭവവുമായി ബന്ധപ്പെട്ട സാഹചര്യങ്ങള്‍ മുംബൈ പോലീസ് അന്വേഷിക്കുന്നുണ്ട്. താരം സുഖം പ്രാപിച്ചതിന് ശേഷം മൊഴിയെടുത്തേക്കും. ഗോവിന്ദയുടെ തോക്ക് പിടിച്ചെടുത്ത് അന്വേഷണം നടത്തിവരികയാണ്. സംഭവ സമയത്ത് വീട്ടിലുണ്ടായിരുന്ന കുടുംബാംഗങ്ങളില്‍ നിന്ന് മൊഴി രേഖപ്പെടുത്തും. അതേസമയം കേസില്‍ അന്വേഷണം പുരോഗമിക്കുകയാണ്.

 




കൂടുതല്‍വാര്‍ത്തകള്‍.