സൗത്താംപ്ടണ്‍:ഗ്രേറ്റ് ബ്രിട്ടന്‍ സീറോമലബാര്‍ എപ്പാര്‍ക്കി യൂത്ത് & ഇവാഞ്ചലൈസേഷന്‍ കമ്മീഷന്‍, കൗമാരക്കാര്‍ക്കായി സംഘടിപ്പിക്കുന്ന 'ടീന്‍ റസിഡന്‍ഷ്യല്‍ ധ്യാനം' ഏപ്രില്‍ 21 മുതല്‍ 23 വരെ സൗത്താംപ്ടണില്‍ വെച്ച് നടത്തപ്പെടുന്നു.
പ്രശസ്ത തിരുവചന ശുശ്രുഷകനും, ധ്യാന ഗുരുവുമായ ഫാ. ജോസഫ് മുക്കാട്ട്, ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ ഇവാഞ്ചലൈസേഷന്‍ കമ്മീഷന്‍ ഡയറക്ടറും,അഭിഷിക്ത ഫാമിലി കൗണ്‍സിലറുമായ സിസ്റ്റര്‍ ആന്‍ മരിയ SH എന്നിവരുടെ നേതൃത്വത്തില്‍ നടത്തപ്പെടുന്ന ധ്യാന ശുശ്രുഷയില്‍ പങ്കുചേരുവാന്‍ ആഗ്രഹിക്കുന്നവര്‍ പേരുകള്‍ മുന്‍കൂറായി രജിസ്റ്റര്‍ ചെയ്യേണ്ടതാണ്.
കൗമാരപ്രായക്കാര്‍ക്കായി ഒരുക്കുന്ന റെസിഡന്‍ഷ്യല്‍ റിട്രീറ്റ് മാനസ്സിക-ആത്മീയ-വിശ്വാസ മേഖലകളില്‍ കുട്ടികള്‍ക്ക് വളര്‍ച്ചയും നവീകരണവും, കൃപകളും ആര്‍ജ്ജിക്കുവാനും, സാമൂഹിക ജീവിതത്തില്‍ മാതൃകാപരമായി ചേര്‍ന്ന് ചരിക്കുവാനുള്ള ഉള്‍ക്കാഴ്ചക്കും അനുഗ്രഹവേദിയാവും.
ടീനേജേഴ്സിനായി ഒരുക്കുന്ന താമസിച്ചുള്ള ത്രിദിന ധ്യാനം ഏപ്രില്‍ 21 തിങ്കളാഴ്ച വൈകുന്നേരം നാലു മണിക്കാരംഭിച്ച് 23 ബുധനാഴ്ച വൈകുന്നേരം നാലു മണിക്ക് അവസാനിക്കും. സൗത്താംപ്ടണില്‍ സെന്റ് ജോസഫ്‌സ് റിട്രീറ്റ് സെന്റ്ററില്‍ ക്രമീകരിച്ചിരിക്കുന്ന റിട്രീറ്റ്, പ്രാര്‍ത്ഥന, ആരാധന, കുര്‍ബ്ബാന, ധ്യാന ശുശ്രുഷകള്‍, പ്രചോദനാത്മകമായ പ്രസംഗങ്ങള്‍, ആനന്ദകരമായ ഗ്രൂപ്പ് ആക്റ്റിവിറ്റിസ്, ഗ്രൂപ്പ് ഡിസ്‌ക്കഷന്‍സ് എന്നിവയിലൂടെ ദൈവവുമായുള്ള ബന്ധം കൂടുതല്‍ ആഴത്തിലാക്കുവാനും ഊഷ്മളമാക്കുവാനും അവസരം ലഭിക്കും.
വളര്‍ച്ചയുടെ പാതയില്‍ സൗഹൃദ ബന്ധങ്ങളില്‍ പാലിക്കേണ്ട നയവും, അവബോധവും ലഭിക്കുവാനും, വിശ്വാസം ശക്തിപ്പെടുത്തുവാനും അനുഗ്രഹദായകമായ ധ്യാനത്തിലേക്ക് മാതാപിതാക്കള്‍ താല്പര്യമെടുത്ത് തങ്ങളുടെ മക്കളെ പറഞ്ഞയക്കണമെന്ന് അഭ്യര്‍ത്ഥിക്കുന്നു.
കൂടുതല്‍ വിവരങ്ങള്‍ക്ക്:
Manoj Thayyil: 0784880550, Mathachan Vilangadan: 07915602258
Venue: St. Joseph's Retreat Centre, 8 Lyndhurst Road, Southampton SO40 7DU
Registration Link:
https://forms.gle/2faTD9QGuJZpAdkb9
Appachan Kannanchira
