സിനിമാപ്രവര്ത്തകരുടെ സംഘടനയായ എഎംഎംഎയില് മെമ്മറി കാര്ഡ് വിവാദം ചൂട് പിടിക്കുന്നു. ഉഷ ഹസീന, പൊന്നമ്മ ബാബു, പ്രിയങ്ക, ലക്ഷ്മി പ്രിയ തുടങ്ങിയവര് ഇന്ന് എഎംഎംഎയ്ക്ക് പരാതി നല്കും. ദുരനുഭവങ്ങള് റെക്കോര്ഡ് ചെയ്ത മെമ്മറി കാര്ഡ് എവിടെയെന്നറിയണം, കുക്കു പരമേശ്വരന് മറുപടി നല്കണം എന്നാണ് ഇവരുടെ ആവശ്യം. ആരുടെ നിര്ദ്ദേശ പ്രകാരമാണ് വീഡിയോ റെക്കോര്ഡ് ചെയ്തത് എന്ന് വ്യക്തമാക്കണമെന്നും നടിമാര് ആവശ്യപ്പെടും.
മീ ടൂ ആരോപണങ്ങള് വന്നതിന് പിന്നാലെയാണ് സംഘടനയിലെ വനിതാ അംഗങ്ങള്ക്ക് അവരുടെ പ്രശ്നങ്ങള് തുറന്നു പറയാനായി ഒരു യോഗം വിളിച്ചത്. ആ പരിപാടിയില് അംഗങ്ങള് പറഞ്ഞ കാര്യങ്ങള് റെക്കോര്ഡ് ചെയ്യുകയുമുണ്ടായി. കുക്കു പരമേശ്വരന്റെ നേതൃത്വത്തിലാണ് യോഗം നടന്നത്ത്. എന്നാല് അമ്മയുടെ ജനറല് സെക്രട്ടറി സ്ഥാനത്തേക്ക് കുക്കു പരമേശ്വരന് മത്സരിക്കുന്നതിന് പിന്നാലെയാണ് ആരോപണങ്ങള് ശക്തമായത്.
