ഹോണ്ചര്ച്ച് : കഴിഞ്ഞ എട്ടു വര്ഷങ്ങളായി സംഗീത-നൃത്ത സദസ്സുകളൊരുക്കിയും, ജീവകാരുണ്യ പ്രവര്ത്തനങ്ങളിലൂടെയും, ഓ എന് വി സ്മരണാഞ്ജലികള് സംഘടിപ്പിച്ചും യു കെ യിലെ മലയാളി കലാഹൃദയങ്ങളില് ഇടംപിടിച്ച 7 ബീറ്റ്സ് മ്യൂസിക് ബാന്ഡ് ഒരുക്കുന്ന സംഗീതോത്സവത്തിന്റെ സീസണ് 9, മാര്ച്ച് 7 ന് ശനിയാഴ്ച്ച ലണ്ടനിലെ ഹോണ്ചര്ച്ചില് അരങ്ങേറുന്നു. ലണ്ടനില് ഇദംപ്രഥമമായും, തികച്ചും സൗജന്യവുമായി സംഘടിപ്പിക്കുന്ന സംഗീതോത്സവം സീസണ് 9 നു ലണ്ടനിലെ സഹൃദയരായ കലാ-സാമൂഹ്യ-സാംസ്കാരിക രംഗങ്ങളിലെ പ്രമുഖ മലയാളിക കൂട്ടായ്മ്മകളാവും ആഥിതേയത്വം വഹിക്കുക.
മലയാള ഭാഷയ്ക്കു നിരവധി നിത്യ ഹരിത ഗാനങ്ങള് സമ്മാനിച്ച അന്തരിച്ച പത്മഭൂഷണ് ഓ എന് വി കുറുപ്പ് മാഷിന്റെ അനുസ്മരണവും, അദ്ദേഹത്തിന്റെ ശ്രദ്ധേയമായ നിരവധി ഗാനങ്ങള് കോര്ത്തിണക്കി നടത്തുന്ന സംഗീതാദദരവും 7 ബീറ്റ്സ് വേദിയില് ചാരിറ്റി ഇവന്റിനോടൊപ്പം സ്മരണാഞ്ജലിയായി അര്പ്പിക്കും. അതോടൊപ്പം സംഗീതാസ്വാദകര്ക്കായി മതിവരാത്ത മധുരഗാനങ്ങള് ആവോളം ആസ്വദിക്കുവാനുള്ള വേദി കൂടിയാവും ലണ്ടനില് ഉയരുക.
യു കെ യില് നിരവധി പുതുമുഖ ഗായകര്ക്കും, കലാകാര്ക്കും തങ്ങളുടെ സംഗീത നൃത്ത പ്രാവീണ്യവും, പ്രതിഭയും തെളിയിക്കുവാന് 7 ബീറ്റ്സ് മ്യൂസിക് ബാന്ഡ് ഒരുക്കുന്ന വേദികള് വലിയ അവസരമാണ് കലാകാര്ക്ക് നല്കിപ്പോരുന്നത്. സദസ്സിനു അത്ഭുതം പകരുന്ന വിവിധങ്ങളായ കലാവിസ്മയങ്ങള് ഈ വര്ഷത്തെ സംഗീതോത്സവത്തില് പ്രത്യേകമായി ഉള്പ്പെടുത്തിയിട്ടുണ്ട് എന്ന് സംഘാടക സമിതിയുടെ മുഖ്യ കോര്ഡിനേറ്ററായ ജോമോന് മാമ്മൂട്ടില് അറിയിച്ചു. ജീവകാരുണ്യ പ്രവര്ത്തനങ്ങളിലൂടെ കേരളത്തില് നിരവധി കുടുംബങ്ങള്ക്ക് താങ്ങും തണലുമായി മാറിയ 7 ബീറ്റ്സ്, ചാരിറ്റി പ്രവര്ത്തിനായിട്ടാണ് സംഗീതോത്സവ വരുമാനം പൂര്ണ്ണമായി ഉപയോഗിച്ചു വരുന്നത്.
സംഗീതവും നൃത്തവും സമന്വയിക്കുന്ന കലോത്സവത്തില് ഒമ്പതാം തവണയും ടൈറ്റില് സ്പോണ്സറായി എത്തുന്നത്, യു കെ യിലെ പ്രമുഖ മോര്ട്ടഗേജ് & ഇന്ഷുറന്സ് സ്ഥാപനമായ ലൈഫ് ലൈന് പ്രൊട്ടക്ട് ഇന്ഷുറന്സ് & മോര്ട്ടഗേജ് സര്വീസസ് ആണ്. നവരുചി റെസ്റ്റോറന്റ് ലണ്ടന്, ഷാന് പ്രോപ്പര്ട്ടീസ്, മലബാര് ഗോള്ഡ് ആന്ഡ് ഡയമന്ഡ്സ്, പോള് ജോണ് സോളിസിറ്റേഴ്സ്, ഗ്ലോബല് സ്റ്റഡി ലിങ്ക്, മലബാര് ഫുഡ്സ് ആന്ഡ് കേരളാ ഡിലൈറ്റ്സ്, ട്യൂട്ടേഴ്സ് വാലി മ്യൂസിക് അക്കാദമി, ഐഡിയല് സോളിസിറ്റേഴ്സ്, ഫ്രണ്ട്സ് മൂവേഴ്സ്, സാന്വീ പേള് കളക്ഷന്സ്, ഡിഎസ്ബി ക്രിയേറ്റിവ്സ് എന്നിവരും 7 ബീറ്റ്സ് സംഗീതോത്സവ ചാരിറ്റി ഈവന്റിന് കൈത്താങ്ങാവും.
7 ബീറ്റ്സ് സംഗീതോത്സവ സീസണ് 9 വേദിയില്, പ്രഗത്ഭരായ സംഗീത നൃത്ത താരങ്ങളുടെ സര്ഗ്ഗാത്മക കഴിവുകളുടെ ആവനാഴിയിലെ ഏറ്റവും മികച്ച പ്രകടനങ്ങള് പുറത്തെടുക്കുമ്പോള്, ഉള്ളു നിറയെ ആനന്ദിക്കുവാനും, ആസ്വദിക്കുവാനും അവസരമൊരുക്കുന്ന മെഗാ കലാവിരുന്നാവും ലണ്ടനില് കലാസദസ്സിനു സമ്മാനിക്കുക.
സംഗീത വിരുന്നും, സംഘാടക മികവും, ഒപ്പം ജീവ കാരുണ്യ പ്രവര്ത്തനവും കൊണ്ട് യൂകെ മലയാളികള് ഹൃദയത്തിലേറ്റിയ 7 ബീറ്റ്സ് സംഗീതോത്സവം സീസണ് 9 ന്റെ ഭാഗമാകുവാന് ഏവരെയും ഹോണ്ചര്ച്ച് കാമ്പ്യന് സ്കൂള് ഓഡിറ്റോറിയത്തിലേക്കു ഹൃദയപൂര്വ്വം ക്ഷണിച്ചുകൊള്ളുന്നു. 2026 മാര്ച്ച് ഏഴിന് ശനിയാഴ്ച്ച ഉച്ചക്ക് രണ്ടു മണിമുതല് രാത്രി പത്തുമണി വരെ നീണ്ടു നില്ക്കുന്ന സംഗീതരാവില് കലാസ്വാദകര്ക്കു തികച്ചും സൗജന്യമായിട്ടാവും പ്രവേശനം അനുവദിക്കുക.
കൂടുതല് വിവരങ്ങള്ക്ക് ബന്ധപ്പെടുക:
Sunnymon Mathai: 07727993229
Jomon Mammoottil: 07930431445
Manoj Thomas: 07846475589
kevin konickal: 07515428149
Dr Sivakumar: 0747426997
Luby Mathew: 07886263726
Appachan Kannanchira: 07737956977
Venue: The Campion School, Wingletye Lane, Hornchurch, London, RM11 3BX
Appachan Kannanchira
