നവംബര്‍ 8ന് ലെസ്റ്റരിലെ ജെഡ്ജ് മെഡോ കമ്മ്യൂണിടി സെന്ററില്‍ വച്ചു നടക്കുന്ന യു കെ യിലെ ഏറ്റവും വലിയ കലാ മാമാങ്കമായ യുക്മ നാഷണല്‍ കലാമേള വേദിയില്‍ വച്ച് 2015 വര്‍ഷത്തെ യുക്മ കലണ്ടറുകള്‍ വിതരണം ചെയ്യുമെന്ന് യുക്മ കലണ്ടറിന്റെ ചാര്‍ജ് വഹിക്കുന്ന യുക്മ വൈസ് പ്രസിടന്റ്‌റ് ബീനാ സെന്‍സ് അറിയിച്ചു. മേല്‍ത്തരം പേപ്പറില്‍ ബഹുവര്‍ണ്ണങ്ങളില്‍ പ്രിന്റു ചെയ്ത യുക്മ കലണ്ടര്‍ എല്ലാ വീടുകളുടെയും സ്വീകരണമുറിക്ക് ഒരു അലങ്കാരമാണ്. നല്ല വലിപ്പത്തില്‍ അച്ചടിച്ചിരിക്കുന്ന ഈ കലണ്ടര്‍ ജോലി ദിവസങ്ങള്‍ എഴുതിയിടാനും അവധി ദിവസങ്ങളും, ജന്മടിനങ്ങളും മറ്റും എഴുതി ഓര്‍മ്മ വയ്ക്കുവാനും യീയര്‍ പ്ലാനര്‍ ആയും ഉപയോഗിച്ചു വരുന്നു എന്ന് പല ഉപയോക്താക്കളും ഇതിനോടകം തന്നെ യുക്മയെ അറിയിച്ചിട്ടുണ്ട്. ഈ വര്‍ഷവും 15000 കലണ്ടറുകള്‍ ആണ് യുക്മ സൗജന്യമായി യു കെ മലയാളികള്‍ക്ക് വിതരണം ചെയ്യുന്നത്. യുക്മയുടെ അംഗ അസോസിയേഷനുകള്‍ വഴിയും ഭാരവാഹികള്‍ മുഖേനയും ആണ് ഇവ യു കെ മലയാളികള്‍ക്ക് എത്തിച്ചു കൊടുക്കുന്നത്. യു കെ യിലെ അവധി ദിവസങ്ങളും, വിശേഷ ദിവസങ്ങളും കൂടാതെ കേരളത്തിലെ വിശേഷ ദിവസങ്ങളും, അവധി ദിവസങ്ങളും പ്രത്യേകമായി അടയാളപ്പെടുത്തിയിരിക്കുന്ന ഈ കലണ്ടറില്‍ ഈ കലണ്ടര്‍ തയ്യാറാക്കുന്നതിനും വിതരണത്തിനും യുക്മയെ സഹായിക്കുന്ന യു കെ മലയാളി സംരംഭകരുടെ വിവരങ്ങളും സേവനങ്ങളും ലഭ്യമാണ്.
ഒരു സാധാരണ മലയാളി കുടുംബത്തിന് അത്യാവശ്യം ബന്ധപ്പെടേണ്ടി വരുന്ന സേവന ദാതാക്കളെയാണ് ഈ വര്‍ഷവും യുക്മ കലണ്ടറില്‍ കൂടി പരിചയപ്പെടുത്തുന്നത്. യു കെ യിലെ ഇന്ഷുറന്‌സ് രംഗത്തെ പ്രമുഖ മലയാളി സംരംഭമായ അലൈഡ് ഫിനാന്‍ഷ്യല്‍ സര്വീസസും, നാട്ടിലേക്ക് ചുരുങ്ങിയ ചിലവില്‍ ഏറ്റവും വേഗം പണം അയക്കുന്നതുല്‍പ്പെടെ നിരവധി സേവനങ്ങള്‍ ചെയ്തു തരുന്ന മുത്തൂറ്റ് ഗ്‌ളോബല്‍, ആക്‌സിടന്റ്‌റ് ആന്റ് പേഴ്‌സണല്‍ ഇഞ്ചുറി ക്ലെയിം രംഗത്ത് വിശ്വസ്തതയുടെ വ്യക്തിമുദ്ര പതിപ്പിച്ച ഇഞ്ചുറി ക്ലെയിംസ്, മിതമായ നിരക്കില്‍ എത്രയും വേഗം വിശ്വസ്തതയോടെ എയര്‍ റ്റിക്കറ്റിംഗ് സംബന്ധമായ കാര്യങ്ങള്‍ ചെയ്തു തരുന്ന ടോം ടോം ട്രാവല്‍സ്, യു കെ യിലെ പ്രമുഖ മലയാളി സോളിസിറ്റെഴ്‌സ് ആയ ലോ ആന്റ് ലോയേഴ്‌സ്, സ്വയം തൊഴില്‍ ചെയ്യുന്നവര്‍ക്കും, ബിസിനസ്സുകാര്‍ക്കും മറ്റും ഉപകാരപ്രദമായ സേവനം ചെയ്യുന്ന സീകോം അക്കൌണ്ടന്‍സി സര്‍വീസ്, പിറന്നാളുകള്‍ക്കും മറ്റു ആഘോഷ പരിപാടികള്‍ക്കും ആവശ്യമായ കാറ്ററിംഗ് ജോലികള്‍ ഉത്തരവാദിത്തത്തോടെ നിര്‍വഹിക്കുന്ന മാതാ കാറ്ററിംഗ് സര്‍വീസസ്, യുക്മ അഭ്യുദയ കാംക്ഷികളായ പ്രിന്‍സ് പൊറോട്ട എന്നിവരാണ് ഈ വര്‍ഷത്തെ യുക്മ കലണ്ടറിനെ സ്‌പോണ്‍സര്‍ ചെയ്യുന്നതിന് തിരഞ്ഞെടുക്കപ്പെട്ടിട്ടുള്ള മലയാളി സംരംഭകര്‍. നവംബര്‍ 8ന് ലെസ്റ്റരില്‍ വച്ചു നടക്കുന്ന യുക്മ നാഷണല്‍ കലാമേള വേദിയില്‍ വച്ച് യുക്മ കലണ്ടറുകള്‍ പരമാവധി സംഘടനകള്‍ക്ക് വിതരണം ചെയ്യുന്നതിന് ആണ് തീരുമാനം. യുക്മ കലണ്ടറുകള്‍ ആവശ്യമുള്ള അംഗ സംഘടനകളും ഇതര സംഘടനകളും വ്യക്തികളും അവരുടെ യുക്മ റീജിയണല്‍ ഭാരവാഹികള്‍ മുഖേന കലണ്ടര്‍ വിതരണത്തിന്റെ ചുമതല വഹിക്കുന്ന യുക്മ നാഷണല്‍ വൈസ് പ്രസിടന്റ്‌റ് ബീനാ സെന്‍സിനെയോ, നാഷണല്‍ സെക്രട്ടറി ബിന്‍സു ജോണിനെയോ ബന്ധപ്പെടുക. മുന്‍കൂട്ടി പരസ്യപ്പെടുത്തി അപേക്ഷകള്‍ ക്ഷണിക്കുവാന്‍ യുക്മക്ക് സാധിക്കാതിരുന്നത് മൂലം യു കെ യിലെ ഏതെങ്കിലും മലയാളി സംരംഭകര്‍ക്ക് തങ്ങളുടെ പരസ്യം യുക്മ കലണ്ടറില്‍ നല്‍കാന്‍ കഴിയാതെ വന്നിട്ടുണ്ട് എങ്കില്‍ യുക്മ അതില്‍ ഖേദിക്കുന്നു. യുക്മ കലണ്ടറില്‍ പരസ്യം നല്‍കുന്നതിന് ഇനിയും താല്‍പ്പര്യമുള്ളവര്‍ എത്രയും വേഗം മേല്‍പ്പറഞ്ഞ ഭാരവാഹികളെയോ യുക്മ നാഷണല്‍ പ്രസിടന്റ്‌റ് വിജി കെ പി യെയോ ബന്ധപ്പെടുക. ഇവരുടെ വിവരങ്ങള്‍ യുക്മ കലണ്ടറിലോ യുക്മ വെബ്‌സൈറ്റിലോ ലഭ്യമാണ്
