കൊറോണ വൈറസ് മാംസാഹാരം കഴിക്കുന്നവരെ ശിക്ഷിക്കാനായി പിറവി കൊണ്ട അവതാരമാണെന്ന് ഹിന്ദു മഹാസഭ ദേശീയ അധ്യക്ഷന് സ്വാമി ചക്രപാണി. കൊറോണ വൈറസ് ലോകമെമ്പാടും പടര്ന്നുപിടിക്കുമ്പോള് ആഗോള ആരോഗ്യ വിദഗ്ധര് മാരകമായ ഈ വൈറസിനെതിരെ ചികിത്സയും വാക്സിനുകളും കണ്ടെത്താനുള്ള ശ്രമത്തിലാണി. ഇതിനിടയിലാണ് വിവാദ പരാമര്ശം.
കൊറോണ ഒരു വൈറസ് അല്ല. സാധു ജീവികളുടെ രക്ഷയ്ക്കെത്തിയ അവതാരമാണ് അത്. മാംസം കഴിക്കുന്നവരെ കാത്ത് മരണം ഉണ്ടെന്ന സന്ദേശം നല്കാനാണ് എത്തിയിരിക്കുന്നത്. മാംസാഹാരം കഴിക്കുന്ന ചൈനീസ് ജനതയെ പാഠം പഠിപ്പിക്കാന് എത്തിയതാണ്. നരസിംഹാവതാരമാണ് കൊറോണ. കൊറോണയുടെ വിഗ്രഹമുണ്ടാക്കി പ്രാര്ത്ഥിക്കുകയാണ് ചൈനീസ് ഭരണകൂടം ചെയ്യേണ്ടത്. ഇനിയൊരിക്കലും ജീവികളെ കൊല്ലില്ലെന്ന് പ്രതിജ്ഞയെടുക്കണം. അങ്ങനെയെങ്കില് ഇനി കൊറോണ വരില്ല. ചൈനക്കാര് അങ്ങനെ ചെയ്താല് ഈ അവതാരം തിരികെ അതിന്റെ ലോകത്തേക്കു പോകുമെന്നും ചക്രപാണി പറഞ്ഞു.
