സ്വര്ണക്കടത്തു കേസ് പ്രതി സ്വപ്ന സുരേഷ് പ്രമുഖരുമായി നടത്തിയ ഫോണ് ചാറ്റുകള് എന്ഐഎ വീണ്ടെടുത്തു. സംസ്ഥാനത്തെ ഉന്നതരുമായി നടത്തിയ ചാറ്റുകളുടെ സ്ക്രീന് ഷോട്ടുകള് സ്വപ്ന ഗൂഗിള് ഡ്രൈവില് പ്രത്യേകം സൂക്ഷിച്ചിരുന്നു. ഇതാണ് എന്ഐഎയ്ക്ക് ലഭിച്ചിരിക്കുന്നത്. ഇത്തരം സ്വകാര്യ ചാറ്റുകളുടെ സ്ക്രീന് ഷോട്ടെടുത്ത് ഗൂഗിള് ഡ്രൈവില് സ്വപ്ന പ്രത്യേകം സൂക്ഷിക്കുകയായിരുന്നുവെന്ന നിഗമനത്തിലാണ് എന്ഐഎ പരിധിവിട്ടുള്ള ചാറ്റ് പിന്നീട് ബ്ലാക്ക് മെയിലിങ്ങിന് ഉപയോഗിക്കാനായിരിക്കാമെന്നു കരുതുന്നു. ഇക്കാര്യങ്ങള് എന്ഐഎയുടെ കേസ് ഡയറിയിലുണ്ടെന്നാണ് അറിയുന്നത്.
സ്വപ്നയും സരിത്തും സന്ദീപ് നായരും ഒട്ടേറെ തവണ ഒരു മന്ത്രിയുടെ വീട്ടിലെത്തിയിരുന്നതായി എന്ഐഎയ്ക്ക് വിവരം ലഭിച്ചിട്ടുണ്ട്. ഉന്നതരുടെ ഭാര്യമാരുമായി സ്വപ്ന ഷോപ്പിങ്ങിന് പോയിരുന്നതായും കണ്ടെത്തിയിട്ടുണ്ട്. കുടുംബാംഗങ്ങളുമായുള്ള ബന്ധം സ്വപ്ന കരുതിക്കൂട്ടി ഉണ്ടാക്കിയതാണെന്നാണ് കരുതുന്നത്. ഉന്നതന്റെ മകന് സ്വപ്നയുടെ ബിസിനസില് പങ്കാളിയാണെന്നുമാണ് എന്ഐഎ കണ്ടെത്തിയിരിക്കുന്നത്.
