താമരശേരി രൂപതയിലെ കുടുംബാംഗങ്ങൾ, തങ്ങളുടെ മൂന്നാമത് ഒത്തു ചേരലിന്, ഗ്ലൂസ്റ്റര്‍ ആവേശപൂര്‍വ്വം ഒരുങ്ങുന്നു. ജൂലൈ 27 നു ശനിയാഴ്ച രാവിലെ 10:30 നു ആഘോഷമായ സമൂഹ ദിവ്യ ബലിയോടെ ഗ്ലൂസ്റ്ററില്‍ സംഗമത്തിന് തുടക്കമാവും. കോഴിക്കോട് മലപ്പുറം, ജില്ലകളില്‍ വ്യാപിച്ചു കിടക്കുന്ന രൂപതയുടെ സമസ്ത പ്രദേശങ്ങളില്‍ നീന്നുമുള്ള പ്രവാസി മക്കള്‍ ഈ അത്മീയ സംഗമത്തില്‍ പങ്കെടുക്കും എന്ന് പ്രതീക്ഷിക്കുന്നതായും, എല്ലാവരെയും ഹാര്ദ്ധവമായി ക്ഷണിക്കുന്നതായും ഫാ ജിമ്മി പുളിക്കക്കുന്നേൽ അറിയിച്ചു.
ദിവ്യ ബലിക്ക് ശേഷം സ്നേഹ വിരുന്നുണ്ടായിരിക്കുന്നതാണ്. തുടര്‍ന്ന് കലാ പരിപാടികള്‍ , പരിചയം പുതുക്കല്‍ , ഫാമിലി ഫണ്‍ ഗെയിംസ്.വൈകുന്നേരം 5 :00 മണിയോടെ സംഗമം സമാപിക്കും. കലാ പരിപാടികള്‍ അവതരിപ്പിക്കുവാന്‍ ആഗ്രഹിക്കുന്നവര്‍ നേരത്തെ കൂട്ടി സംഘാടക സമിതിയുമായി ബന്ധപ്പെടെണ്ടതാണ്.
യുകെ യില്‍ പൗരോഹിത്യ ശുശ്രൂഷ ചെയ്യുന്ന ഫാ തോമസ്‌ കളപ്പുരക്കല്‍ , റവ.ഡോ മാത്യു ചൂരപൊയികയില്‍ , ഫാ ജിമ്മി പുളിക്കക്കുന്നേല്‍ , ഫാ ലുക്ക്‌ മാറാപ്പിള്ളില്‍ , ജർമ്മനിയിൽ അജപാലക ദൗത്യം നിർവഹിക്കുന്ന ഫാ. രാജേഷ് CMI , Sr. ആലീസ് പതിയിൽ, Sr. ഡോ. മിനി ഇലവനാൽ എന്നിവരും കുടുംബ സംഗമത്തിൽ പങ്കു ചേരും.
യുകെ യില്‍ വിവിധ ഭാഗങ്ങളിലായി നിവസിക്കുന്ന എല്ലാ താമരശേരി രൂപതാ കുടുംബങ്ങളും തങ്ങളുടെ സൌഹൃദം പങ്കിടുവാന്‍ കിട്ടുന്ന ഈ അസുലഭ സന്ദര്‍ഭം വിനിയോഗിക്കണമെന്ന് ആതിഥെയ സമിതി പ്രത്യേകം അഭ്യര്തിക്കുന്നു.
കൂടുതല്‍ വിവരങ്ങള്‍ക്ക്
ഫാ.ജിമ്മി പുളിക്കക്കുന്നേൽ - 07922042749
ബിനുമോൻ കുര്യാക്കോസ് (ഗ്ലൂസ്റ്റര്‍ ) - 07939673478
ജോബി ഫ്രാൻസീസ് (ഗ്ലൂസ്റ്റര്‍ 07588809478
സംഗമ വേദി:- സെന്റ്‌ പീറ്റേഴ്സ് കാത്തോലിക് ചർച്ച്
ലണ്ടൻ റോഡ്, GL1 3EX
