സാമൂഹിക മാധ്യമം വഴി പരിചയപ്പെട്ട പെണ്‍കുട്ടിയുടെ നഗ്‌നചിത്രം കൈക്കലാക്കിയ ശേഷം കല്ല്യാണം കഴിക്കാന്‍ ഭീഷണിപെടുത്തിയ യുവാവ് പിടിയില്‍. പാലക്കാട് മലമ്പുഴ കൊറ്റക്കാട് സ്വദേശിയായ കിഴക്കേപ്പുരയില്‍ മിഥുന്‍(27) ആണ് പെണ്‍കുട്ടിയെ ഭീഷണിപെടുത്തിയത്.
ആദ്യം സാമൂഹിക മാധ്യമം വഴി പരിചയപ്പെട്ട പെണ്‍കുട്ടിയുടെ കൈയില്‍ നിന്ന് പതിയെ ഇയാള്‍ നഗ്‌നചിത്രം കൈക്കലാക്കുകയായിരുന്നു. പിന്നീട് പ്രതി തന്നെ വിവാഹം കഴിച്ചില്ലെങ്കില്‍ നഗ്‌ന ചിത്രങ്ങള്‍ പുറത്തു വിടുമെന്ന് പറഞ്ഞു ഭീഷണിപെടുത്തുകയായിരുന്നു.
പെണ്‍കുട്ടിയുടെ പരാതിയില്‍ സൈബര്‍ സെല്ലിന്റെ സഹായത്തോടെ പ്രതിയെ പിടികൂടി. കിളികൊല്ലൂര്‍ പൊലീസ് ഇന്‍സ്‌പെക്ടറുടെ നേതൃത്വത്തിലാണ് പ്രതിയെ പിടികൂടിയത്. പ്രതിയെ റിമാന്‍ഡ് ചെയ്തു.
