ബെഡ്‌ഫോര്‍ഡ്: യു.കെ. മലയാളി അസോസിയേഷനുകളുടെ കൂട്ടായ്മയായ, 'യുക്മ'യുടെ ഈസ്റ്റ് ആംഗ്ലിയ റീജണല്‍ കലാമേളയ്ക്കുള്ള ഒരുക്കങ്ങള്‍ പൂര്‍ത്തിയായി. 23 അംഗ അസോസിയേഷനുകളില്‍ നിന്ന് ആയിരത്തിലധികം കലാപ്രതിഭകള്‍ പങ്കെടുക്കുന്ന ഈ മഹോത്സവം ഒക്ടോബര്‍ 18-ന് ശനിയാഴ്ച്ച റെയ്ലിയില്‍ വിപുലമായ രീതിയില്‍ അരങ്ങേറും. മത്സരാര്‍ത്ഥികള്‍ക്കുള്ള രജിസ്‌ട്രേഷന്‍ നടപടികള്‍ തിങ്കളാഴ്ച്ച മുതല്‍ ആരംഭിക്കും.
ഈസ്റ്റ് ആംഗ്ലിയയിലെ ഏറ്റവും വലിയ ജന പങ്കാളിത്തത്തോടെയും അത്യാവേശകരമായ മത്സരങ്ങളിലൂടെയും ശ്രദ്ധേയമായ കലാമേളകളുടെ മികവുറ്റ വേദിയാവും ഇത്തവണ ദി സ്വയനെ പാര്‍ക്ക് സ്‌കൂള്‍ ഓഡിറ്റോറിയത്തില്‍ അരങ്ങേറുക. കലാസൗഹൃദ സദസ്സിനുമുന്നില്‍ സ്വന്തം കലാപ്രതിഭ തെളിയിക്കാനും, മറ്റു കലാകാരരുടെ അവതരണങ്ങള്‍ ആസ്വദിക്കാനും, സൗഹൃദവും സഹകരണവും പങ്കുവെയ്ക്കാനുമുള്ള അപൂര്‍വ അവസരമാകും ഈ കലാമേള. കലാകാരുടെ പ്രതിഭയും, ഭാവനയും, കഴിവും നിറഞ്ഞ വര്‍ണ്ണമഴയായിരിക്കും മത്സരവേദിയില്‍ സാക്ഷ്യം വഹിക്കുക.
കലാകാരെ മത്സരവേദിയിലേക്ക് നയിക്കുവാനും, പ്രോത്സാഹിപ്പിക്കാനുമായി അംഗ അസോസിയേഷനുകള്‍ സജീവമാണ്. ഒപ്പം വിജയ കിരീട പ്രതീക്ഷയും. അത്യാവേശകരമായ മത്സരങ്ങളും, കലാവൈവിധ്യത്തിന്റെ വിസ്മയവും നിറഞ്ഞ സുവര്‍ണവേളയായി റെയ്ലിയിലെ വേദി മാറുമ്പോള്‍ എല്ലാ കലാസ്‌നേഹികളെയും കലാമേളയിലേക്കു സ്വാഗതം ചെയ്യുന്നു.
കൂടുതല്‍ വിവരങ്ങള്‍ക്ക്:
ജോബിന്‍ ജോര്‍ജ് - 07574674480
ജെയ്സണ്‍ ചാക്കോച്ചന്‍ - 07359477189
ഭുവനേഷ് പീതാബരന്‍ - 07862273000
സുമേഷ് അരവിന്ദാക്ഷന്‍ - 07795977571
Venue:
The Swayne Park School, Sir Walter Raleigh Drive, Rayleigh, Essex, SS6 9BZ
സാജന്‍ പടിക്കമാലില്‍
(പി ആര്‍ ഒ, ഈസ്റ്റ് ആംഗ്ലിയ റീജിയന്‍ )
