ആര്‍എസ്എസിനെ പ്രതിക്കൂട്ടില്‍ നിര്‍ത്തി ആത്മഹത്യ ചെയ്ത യുവാവ് അനന്തു അജിയുടെ വീഡിയോ പുറത്ത്. മരണമൊഴി എന്ന പേരില്‍ ഇന്‍സ്റ്റാഗ്രാമില്‍ പോസ്റ്റ് ചെയ്ത വീഡിയോയാണ് പുറത്തുവന്നിരിക്കുന്നത്. വളരെ ?ഗുരുതരമായ ലൈം?ഗിക ആരോപണങ്ങളാണ് വീഡിയോയിലുള്ളത്.പുരുഷന്‍മാരില്‍ നിന്ന് പല സ്ഥലങ്ങളില്‍ വച്ച് ലൈംഗീക പീഡനം ഏല്‍ക്കേണ്ടി വന്നതായാണ് അനന്ദു വീഡിയോയില്‍ പറയുന്നത്. മൂന്നു വയസ്സ് മുതല്‍ വീടിനടുത്തുള്ള ഒരാള്‍ ലൈംഗികമായി ചൂഷണം ചെയ്തുവെന്നും ലൈംഗികമായി ചൂഷണം ചെയ്ത ആള്‍ ഇപ്പോള്‍ നല്ല നിലയില്‍ ജീവിക്കുന്നുവെന്നും വീഡിയോയില്‍ പറയുന്നു.
അന്ന് അറിയില്ലായിരുന്നു ലൈംഗികമായി ചൂഷണം ചെയ്യുകയാണെന്ന്. അമ്മയോടും പെങ്ങളോടും ഉള്ള സ്‌നേഹം കൊണ്ടാണ് ഇത്രയും നാള്‍ ജീവിച്ചിരുന്നത്. പക്ഷേ അവര്‍ക്ക് നല്ല മകനോ സഹോദരനോ ആകാന്‍ എനിക്ക് പറ്റിയില്ല. പല സ്ഥലത്തുനിന്ന് ചൂഷണം നേരിടേണ്ടി വന്നിട്ടുണ്ട്.
ആര്‍എസ്എസുകാരോട് ഇടപെടരുത്. ലൈംഗിക ചൂഷണം നടക്കുന്നുണ്ട്. ആര്‍എസ്എസ് ക്യാമ്പുകളില്‍ ശാരീരികവും മാനസികവും ലൈംഗികവുമായി ചൂഷണം ചെയ്യുകയാണ്. അതിനുള്ള തെളിവുകള്‍ ഇപ്പോള്‍ ഹാജരാക്കാനില്ല. ലൈംഗികമായി ചൂഷണം ചെയ്തത് നിതീഷ് മുരളീധരന്‍ എന്നയാളാണ്. നിതീഷ് മുരളീധരന്‍ തുടര്‍ച്ചയായി ചൂഷണം ചെയ്തുവെന്നും അനന്ദു പറയുന്നു.
ആര്‍എസ്എസിന്റെ ഐടിസി, ഒടിസി ക്യാമ്പില്‍ പങ്കെടുത്തപ്പോഴാണ് ലൈംഗികാതിക്രമമുണ്ടായത്. ലൈം?ഗികമായും ശാരീരികമായും മാനസികമായും അവര്‍ പീഡിപ്പിച്ചു. പല കുട്ടികള്‍ക്കും ഇതുപോലെ ദുരനുഭവം ഉണ്ടായിട്ടുണ്ട് അനന്ദു വീഡിയോയില്‍ പറയുന്നു.
