ബിഹാര്‍ തിരഞ്ഞെടുപ്പിനിടെ കൊല്ലപ്പെട്ട യുവതിയുടെ കുഞ്ഞിനെ ദത്തെടുത്ത് ബോളിവുഡ് താരം സോനുസൂദ്. നവംബര്‍ ആറിന് ഭോജ്പൂര്‍ ജില്ലയിലെ ധുല്ലംചകില്‍ വോട്ടെടുപ്പിനിടെയുണ്ടായ സംഘര്‍ഷത്തിനിടെയാണ് കുഞ്ഞിനേയും കൂട്ടി വോട്ട് ചെയ്യാന്‍ പോയ നിക്കി ദേവി എന്ന സ്ത്രീ കൊല്ലപ്പെട്ടത്. നിക്കിയുടെ കവിളിലൂടെയാണ് വെടിയുണ്ട തുളച്ചുപോയത്. രക്തത്തില്‍ കുളിച്ചുകിടന്ന നിക്കിയുടെ സമീപത്താണ് പത്തുമാസം മാത്രം പ്രായമായ കുഞ്ഞിരുന്നത്. ഇവരുടെ വിവരം അറിഞ്ഞതിന് പിന്നാലെയാണ് ഇവരുടെ മകനെ സോനുസൂദ് ദത്തെടുക്കാന്‍ തീരുമാനിച്ചത്.
കണ്ണീരോടെയാണ് സോനുസൂദിന് നിക്കിയുടെ ഭര്‍ത്താവ് രോഹിത് റായ് നന്ദി പറഞ്ഞത്. ഇന്നലെ വരെ എന്റെ ഭാര്യ എന്നോടൊപ്പമുണ്ടായിരുന്നു. ഇന്ന് അവള്‍ ഇല്ല, രാത്രിയില്‍ കുഞ്ഞ് അവളെ തിരയും. ഇപ്പോള്‍ ഞാനും കുഞ്ഞും മാത്രമേയുള്ളൂ. നാളെ ഞാന്‍ ഉണ്ടാകുമോ എന്ന് പോലും എനിക്ക് അറിയില്ല. സോനു സൂദ് എന്റെ മകനെ ദത്തെടുത്തെങ്കില്‍ അത് എനിക്ക് വലിയ ആശ്വാസമാണ്, രോഹിത് പറഞ്ഞു.
