ആക്ഷന് ഹീറോ ബിജു 2' ടൈറ്റില് കേസില് നിര്മ്മാതാവ് പിഎസ് ഷംനാസും തമ്മിലുള്ള തര്ക്കത്തില് ഒത്തുതീര്പ്പിനില്ലെന്ന് നിവിന് പോളി. സമവായ ചര്ച്ചയിലൂടെ പ്രശ്നം പരിഹരിക്കാന് കഴിഞ്ഞ ദിവസം ഹൈക്കോടതി നിര്ദേശം നല്കിയുന്നു. വഞ്ചനാക്കുറ്റം ചുമത്തിയ കേസിലെ സമവായ ചര്ച്ച നിയമവിരുദ്ധമാണെന്ന് നടന് പറഞ്ഞു.
വ്യാജ ഒപ്പിട്ട് ആക്ഷന് ഹീറോ ബിജു 2 എന്ന ചിത്രത്തിന്റെ ടൈറ്റില് സ്വന്തമാക്കി എന്നാണ് നിവിന് പോളി നല്കിയ പരാതി. എന്നാല് എതിരെ ഷംനാസിന്റെ പരാതിയില് തലയോലപ്പറമ്പ് പൊലീസ് നേരത്തെ വഞ്ചന കുറ്റത്തിന് കേസ് എടുത്തിരുന്നു. എബ്രിഡ് ഷൈനിന്റെ സംവിധാനത്തില് നിവിന് പോളി നായകനായ 'മഹാവീര്യര്' ചിത്രത്തിന്റെ സഹനിര്മാതാവായിരുന്ന ഷംനാസ്. ഇയാളില് നിന്ന് പണം വാങ്ങിയ കാര്യം മറച്ചുവെച്ച് 'ആക്ഷന് ഹീറോ ബിജു 2'-വിന്റെ വിതരണാവകാശം മറ്റൊരാള്ക്ക് നല്കിയെന്നായിരുന്നു പരാതി.
ഷംനാസില് നിന്ന് ഒരുകോടി 95 ലക്ഷം രൂപ വാങ്ങി മറ്റൊരാള്ക്ക് അഞ്ച് കോടി രൂപയ്ക്ക് സിനിമയുടെ വിദേശ വിതരണാവകാശം നല്കിയെന്നാണ് പൊലീസ് എഫ് ഐ ആറില് പറയുന്നത്. നിവിന് പോളിയുടെ 'പോളി ജൂനിയര് ' എന്ന കമ്പനി രണ്ട് കോടി രൂപ ഇതിന്റെപേരില് മുന്കൂറായി കൈപ്പറ്റിയെന്നും എഫ്ഐആറില് പറയുന്നു. ഇതിലൂടെ പരാതിക്കാരന് ഒരുകോടി 90 ലക്ഷം രൂപയുടെ നഷ്ടമുണ്ടായെന്നും ഷംനാസ് നല്കിയ പരാതിയില് പറയുന്നുണ്ടായിരുന്നു.
