ശബരിമലയില് യുവതികള്ക്ക് പ്രവേശനം അനുവദിച്ചുകൊണ്ടുള്ള സുപ്രീം കോടതി വിധിക്കെതിരെ ദേവസ്വം ബോര്ഡ് ഇന്ന് സാവകാശ ഹര്ജി സമര്പ്പിക്കും. വിധി നടപ്പാക്കാന് കൂടുതല് സമയം ആവശ്യപ്പെട്ട് കൊണ്ടാണ് സുപ്രീം കോടതി മുമ്പാകെ സാവകാശ ഹര്ജി ഫയല് ചെയ്യുക. അതേസമയം വിധിയുമായി ബന്ധപ്പെട്ട ക്രമസമാധാന പ്രശ്നങ്ങള് ഹര്ജിയില് ചൂണ്ടിക്കാട്ടില്ല.
സാവകാശ ഹര്ജിയില് ശബരിമല സ്പെഷ്യല് കമ്മീഷണര് റിപ്പോര്ട്ടും എംപവേര്ഡ് കമ്മിറ്റി റിപ്പോര്ട്ടും ദേവസ്വം ബോര്ഡ് ചൂണ്ടിക്കാട്ടും. പുനപരിശോധനാ ഹര്ജിയിലെ വിധി കാത്തിരുന്നത് കൊണ്ടാണ് സാവകാശ ഹര്ജി വൈകിയതെന്ന് ദേവസ്വം ബോര്ഡ് സുപ്രീം കോടതിയെ ബോധിപ്പിക്കും. അതേസമയം വിധി നടപ്പാക്കുന്നതിനായി സമയപരിധിയും കോടതിയോട് ആവശ്യപ്പെടില്ല.