നരേന്ദ്ര മോദിയെ താന്‍ വിമര്‍ശിച്ചതിന്റെ പത്തുശതമാനം പോലും കേരളത്തിലെ ഒരു കോണ്‍ഗ്രസ് നേതാവും വിമര്‍ശിച്ചിട്ടില്ലെന്ന് ശശി തരൂര്‍ എം.പി. മോദി സ്തുതിയുടെ പേരില്‍ കെപിസിസി തേടിയ വിശദീകരണത്തിന് മറുപടി നല്‍കുകയായിരുന്നു അദ്ദേഹം. നരേന്ദ്ര മോദിയെ ഒരിക്കലും താന്‍ സ്തുതിച്ചിട്ടില്ലെന്നും കോണ്‍ഗ്രസ് ഒറ്റക്കെട്ടായി തിരിച്ചു വരണമെന്നതാണ് തന്റെ ആഗ്രഹമെന്നും വിശദീകരണത്തില്‍ തരൂര്‍ വ്യക്തമാക്കുന്നു.
മോദി ചെയ്ത നല്ലകാര്യങ്ങളെ നല്ലതെന്ന് പറയുക മാത്രമാണ് ചെയ്തത്. എന്നാല്‍ മാത്രമേ മോദിയുടെ തെറ്റുകളെ വിമര്‍ശിക്കാനാവൂ. എന്നാല്‍ മോദിയുടെ സ്തുതി പാടകനായാണ് തന്നെ ചിത്രീകരിച്ചതെന്നും തരൂര്‍ പറഞ്ഞു.
