സംസ്ഥാനത്ത് ഇന്ന് 42 പേര്ക്ക് കോവിഡ്19 സ്ഥിരീകരിച്ചതായി അവലോകന യോഗത്തിനു ശേഷം നടത്തിയ വാര്ത്താ സമ്മേളനത്തില് മുഖ്യമന്ത്രി പിണറായി വിജയന് അറിയിച്ചു. കൂടുതല് പേര്ക്ക് കോവിഡ് സ്ഥിരീകരിച്ച ദിവസമാണ് ഇന്ന് എന്ന ആമുഖത്തോടെയാണ് മുഖ്യമന്ത്രി വാര്ത്താ സമ്മേളനം തുടങ്ങിയത്. മുംബൈയില് നിന്നെത്തിയ ചാവക്കാട് സ്വദേശി, 73 വയസുകാരിയായ ഖദീജയുടെ കോവിഡ് ബാധയെ തുടര്ന്നുള്ള നിര്യാണത്തില് മുഖ്യമന്ത്രി അനുശോചനവും രേഖപ്പെടുത്തി.
കണ്ണൂര് – 12, കാസര്ഗോട് – 7, കോഴിക്കോട്, പാലക്കാട് 5, തൃശൂര്. മലപ്പുറം – 4, കോട്ടയം 2, കൊല്ലം, പത്തനംതിട്ട, വയനാട് എന്നീ ജില്ലകളില്നിന്ന് ഓരോരുത്തര്ക്കും രോഗബാധ ഉണ്ടായി. രണ്ടുപേര് രോഗമുക്തി നേടി. ഇന്ന് പോസിറ്റീവായതില് 21 പേര് മഹാരാഷ്ട്രയില്നിന്ന് വന്നതാണ്. തമിഴ്നാട്,ആന്ധ്രാപ്രദേശ് എന്നിവിടങ്ങളില്നിന്ന് വന്ന ഒരോരുത്തര്ക്കും രോഗബാധയുണ്ടായി. വിദേശത്തുനിന്ന് വന്ന 17 പേര് കോവിഡ് 19 പോസിറ്റീവായിട്ടുണ്ട്. കണ്ണൂരില് ഒരാള്ക്ക് സമ്പര്ക്കം മൂലമാണ് രോഗം ബാധിച്ചത്. കോഴിക്കോട് ഒരു ഹെല്ത്ത് വര്ക്കര്ക്കാണ് രോഗബാധ.
