കേരളത്തില് കോവിഡ് രോഗബാധിതരുടെ എണ്ണം ഉയരുന്നു. ഇന്ന് 1251 പേര്ക്ക് കോവിഡ് രോ?ഗബാധ സ്ഥിരീകരിച്ചെന്ന് മുഖ്യമന്ത്രി പിണറായി വിജന് അറിയിച്ചു.
814 പേര് രോഗമുക്തി നേടി. 1,061 പേര്ക്ക് സമ്പര്ക്കത്തിലൂടെ രോഗം ബാധിച്ചു. 73 പേരുടെ രോഗത്തിന്റെ ഉറവിടം വ്യക്തമല്ല. വിദേശത്തുനിന്ന് എത്തിയത് 77 പേര്ക്കും മറ്റു സംസ്ഥാനങ്ങളില്നിന്ന് വന്ന 94 പേര്ക്കും രോഗം സ്ഥിരീകരിച്ചിട്ടുണ്ട്. ഇതു കൂടാതെ 18 ഹെല്ത്ത് വര്ക്കര്മാര്ക്കും രോഗം സ്ഥിരീകരിച്ചു.
കോവിഡ് സ്ഥിരീകരിച്ച അഞ്ചു മരണം കൂടി ഇന്ന് റിപ്പോര്ട്ട് ചെയ്തിട്ടുണ്ട്. മലപ്പുറം മാമ്പുറത്ത് ഇമ്പിച്ചിക്കോയ ഹാജി(68), കണ്ണൂര് കൂടാളി സജിത്ത്, തിരുവനന്തപുരം ഉച്ചക്കട ഗോപകുമാരന്(60), എറണാകുളം ഇളമക്കര പി.ജി.ബാബു(60), ആലപ്പുഴ പൂച്ചക്കല് സുധീര്(63) എന്നിവരുടെ മരണമാണ് സ്ഥിരീകരിച്ചത്.
അഞ്ച് ജില്ലകളില് ഇന്ന് രോഗബാധിതരുടെ എണ്ണം നൂറില് അധികമാണ്. തിരുവനന്തപുരം289, കാസര്കോട്168, കോഴിക്കോട് 149, മലപ്പുറം142, പാലക്കാട്123 എന്നിങ്ങനെയാണിത്. ഏറ്റവും കൂടുതല് പേര് രോഗമുക്തി നേടിയത് തിരുവനന്തപുരത്താണ്; 150 പേര്. കഴിഞ്ഞ 24 മണിക്കൂറിനകം 27,608 സാമ്പിളുകളാണ് പരിശോധിച്ചതെന്നും മുഖ്യമന്ത്രി അറിയിച്ചു.