'രേവതിയും ഷെയ്ന് നിഗവും ഒന്നിക്കുന്ന ഭൂതകാലത്തിന്' മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. ഇപ്പോഴിതാ സിനിമയും യഥാര്ത്ഥ ജീവിതവും തമ്മിലുള്ള ബന്ധത്തെക്കുറിച്ച് തുറന്നുപറഞ്ഞിരിക്കുകയാണ് രേവതി,
'സാധാരണഗതിയില്, ഒരു സിനിമയിലെ സാഹചര്യം യഥാര്ത്ഥ ജീവിതത്തോട് അടുത്തു നില്ക്കുന്ന സാഹചര്യമാണെങ്കില്, നമ്മള് അതില് കൂടുതല് ഇടപെടും. എന്നിരുന്നാലും, ഈ സിനിമയിലെ സാഹചര്യങ്ങളും കഥാപാത്രങ്ങളും വളരെ യഥാര്ത്ഥവും പലര്ക്കും അവരുടെ ജീവിതവുമായി ബന്ധിപ്പിക്കാന് കഴിയുന്നതാണ്' രേവതി പറയുന്നു.
ഭൂതകാലത്തിലെ കഥാപാത്രം സങ്കീര്ണ്ണമാണ്. നിങ്ങള്ക്ക് ഒരു വരിയില് ആ അമ്മയുടെ കഥാപാത്രത്തെ നിര്വചിക്കാന് കഴിയില്ല. ആശ ആരാണെന്ന് കണ്ടെത്താന് ഞാന് രാഹുലുമായി ചര്ച്ച നടത്തിയിരുന്നു. തന്റെ മനസ്സിലുള്ള കഥാപാത്രത്തെക്കുറിച്ച് അദ്ദേഹം വളരെ വ്യക്തമായി പറഞ്ഞു തന്നിരുന്നു. ഇതുകൂടാതെ വളരെ സമയമെടുത്താണ് ആ കഥാത്രത്തെ ഞാന് മനസിലാക്കിയെടുത്തത്' എന്നും രേവതി പറഞ്ഞു.
