പോളിങ് ബൂത്തിലെത്തി വോട്ട് രേഖപ്പെടുത്തുന്നത് മൊബൈലില് ചിത്രീകരിച്ച് പ്രചരിപ്പിച്ചയാള്ക്കെതിരെ പോലീസ് കേസെടുത്തു. നെടുമങ്ങാട് കായ്പാടി സ്വദേശി സെയ്താലി എസ് എസിന് എതിരെയാണ് കേസെടുത്തിരിക്കുന്നത്.
യൂത്ത് കോണ്ഗ്രസ് തിരുവനന്തപുരം ജില്ലാ വൈസ് പ്രസിഡന്റ് ആണ് സെയ്താലി.ചൊവ്വാഴ്ച നടന്ന തദ്ദേശ തിരഞ്ഞെടുപ്പില് വോട്ട് രേഖപ്പെടുത്തുന്നത് മൊബൈല് ഫോണില് ചിത്രീകരിച്ച് ഇന്സ്റ്റാഗ്രാമില് ഇയാള് പോസ്റ്റ് ചെയ്യുകയായിരുന്നു.
ഭാരതീയ ന്യായസംഹിതയിലെ 192-ാം വകുപ്പ്, ജനപ്രാതിനിധ്യനിയമത്തിലെ 128, 132 വകുപ്പുകള് പ്രകാരമാണ് സെയ്താലിക്കെതിരെ നെടുമങ്ങാട് പോലീസ് കേസെടുത്തത്. ഇതനുസരിച്ച്, വോട്ടിന്റെ രഹസ്യാത്മകത നഷ്ടപ്പെടുത്തുന്നതും പോളിങ് ബൂത്തിലെ മോശം പെരുമാറ്റവും ശിക്ഷാര്ഹമായ കുറ്റങ്ങളാണ്. ഈ കുറ്റങ്ങള്ക്ക് മൂന്നുമാസംവരെ തടവോ പിഴയോ രണ്ടുംകൂടിയോ ശിക്ഷ ലഭിക്കാം.
