കാഞ്ഞിരപ്പള്ളി കുളപ്പുറത്ത് യുവതിയെയും യുവാവിനെയും വീടിനുള്ളില് മരിച്ച നിലയില് കണ്ടെത്തി. യുവതിയെ കഴുത്തറുത്ത നിലയിലും യുവാവിനെ തൂങ്ങിമരിച്ച നിലയിലുമാണ് കണ്ടെത്തിയത്. മോര്ക്കോലില് ഷേര്ലി മാത്യു(45) വിനെയാണ് കഴുത്തറുത്ത നിലയില് കണ്ടെത്തിയത്. തൂങ്ങി മരിച്ച നിലയില് കണ്ടെത്തിയ യുവാവ് കോട്ടയം സ്വദേശിയെന്നാണ് സംശയം. ഇന്നലെ രാത്രി ഒന്പതരയോടെ ആയിരുന്നു സംഭവം.
വീട്ടമ്മയെ ഫോണില് ലഭിക്കാതെ വന്നതോടെ നടത്തിയ അന്വേഷണത്തിലാണ് ഇവരെ കിടപ്പുമുറിയിലെ കട്ടിലിനോട് ചേര്ന്ന് കഴുത്തറുത്ത നിലയിലും യുവാവിനെ സ്റ്റെയര്കേയ്സില് തുങ്ങി മരിച്ച നിലയിലും കണ്ടെത്തിയത്. ഷേര്ളിയെ കൊലപ്പെടുത്തി യുവാവ് ആത്മഹത്യ ചെയ്തതാണെന്നാണ് നിഗമനം. ഭര്ത്താവ് മരിച്ചതിനെ തുടര്ന്ന് ആറുമാസം മുന്പ് ഷേര്ളി ഇവിടേക്ക് താമസം മാറി എത്തിയതാണെന്ന് പ്രദേശവാസികള് പറഞ്ഞു. സംഭവത്തില് അന്വേഷണം നടക്കുകയാണെന്ന് കാഞ്ഞിരപ്പള്ളി പൊലീസ് വ്യക്തമാക്കി.
