സംസ്ഥാനത്ത് മഴക്കെടുതിയില് 39 പേര് മരിച്ചെന്നും 6 പേരെ കാണാതായി എന്നും മുഖ്യമന്ത്രി പിണറായി വിജയന് നിയമസഭയില്. ദുരിതം അനുഭവിക്കുന്ന കുടുംബങ്ങളെ സര്ക്കാര് കൈവിടില്ല. ജീവന് പകരമായി മറ്റൊന്നുമില്ല. നഷ്ടപരിഹാരം ഒന്നുമാകില്ലെന്നും മുഖ്യമന്ത്രി പറഞ്ഞു. മരിച്ചവര്ക്ക് ആദരാഞ്ജലി അര്പ്പിച്ച് കേരള നിയമസഭ പിരിഞ്ഞു. ഇനി 25ാം തിയതിയാണ് സമ്മേളനം നടക്കുക. എംഎല്എമാര്ക്ക് അവരവരുടെ മണ്ഡലങ്ങളില് മഴക്കെടുതിയുമായി ബന്ധപ്പെട്ട രക്ഷാപ്രവര്ത്തനങ്ങള് ഏകോപിപ്പിക്കേണ്ടതിനാലാണ് നിയമസഭ സമ്മേളനം 25വരെ നിര്ത്തിവച്ചത്.
217 വീടുകള് പൂര്ണമായും തകര്ന്നു. 1393 വീടുകള് ഭാഗികമായി തകര്ന്നു. സംസ്ഥാനത്ത് 304 ക്യംപുകള് പ്രവര്ത്തിക്കുന്നുണ്ടെന്നും മുഖ്യമന്ത്രി അറിയിച്ചു. സംസ്ഥാനത്ത് നിലവില് 11 എന്.ഡി.ആര്.എഫ് സംഘങ്ങള് ക്യാമ്പ് ചെയ്യുന്നുണ്ട്. ദുരന്ത നിവാരണ പ്രവര്ത്തനങ്ങള്ക്ക് എയര്ഫോഴ്സ് , നേവി ഹെലികോപ്ടറുകള് സജ്ജമാണെന്നും മുഖ്യമന്ത്രി പറഞ്ഞു.
തുടര്ച്ചയായി പ്രകൃതി ദുരന്തങ്ങളുണ്ടാകുമ്പോഴും കൃത്യമായ മുന്നറിയിപ്പ് സംവിധാനം പരാജയമാണെന്ന് പ്രതിപക്ഷം ആരോപിച്ചു. ദുരന്തസാധ്യത പ്രദേശങ്ങളില് മുന്നറിയിപ്പ് നല്കുന്നതില് വീഴ്ചയുണ്ടായിട്ടുണ്ടോ എന്ന് പരിശോധിക്കണമെന്നും ദുരന്ത നിവാരണ സംവിധാനം മെച്ചപ്പെടുത്തണമെന്നും കെ ബാബു സഭയില് ആവശ്യപ്പെട്ടു. പശ്ചിമഘട്ടം സംരക്ഷിക്കുന്നതില് വിദ്ഗ്ധ സമിതിയുടെ നിര്ദ്ദേശം തേടി മാറ്റങ്ങള് വരുത്തണം. കേന്ദ്ര സഹായം വേണമെന്നും ദുരന്തബാധിതര്ക്ക് അര്ഹമായ നഷ്ടപരിഹാരം നല്കണമെന്നും പ്രതിപക്ഷം ആവശ്യപ്പെട്ടു.
ഇരട്ട ന്യൂനമര്ദ്ദമാണ് സംസ്ഥാനത്ത് അതി തീവ്ര മഴ സൃഷ്ടിച്ചതെന്ന് പറഞ്ഞ മുഖ്യമന്ത്രി ദുരന്ത നിവാരണത്തിനായി വിവിധ വകുപ്പുകളുടെ ഏകോപിത പ്രവര്ത്തനം നടക്കുന്നതായി സഭയെ അറിയിച്ചു. അണക്കെട്ടുകളിലെ ജലം നിയന്ത്രിത അളവില് തുറന്ന് വിടുന്നുണ്ട്. കിഴക്കന് കാറ്റിന്റെ സ്വാധീനം കാരണം വരും ദിവസങ്ങളില് സംസ്ഥാനത്ത് മഴ ശക്തമായേക്കാമെന്നും മുഖ്യമന്ത്രി അറിയിച്ചു.