വിശുദ്ധ അല്‍ഫോന്‍സാമ്മയുടെ പുണ്യ പാദസ്പര്‍ശത്താല്‍ അനുഗ്രഹീതമായ മുട്ടുചിറയിലെ യുകെ നിവാസികളുടെ 13ാo മത് സംഗമം ജൂലൈ 22,23,24 (വെള്ളി മുതല്‍ ഞായര്‍ വരെ) തിയതികളില്‍ നടക്കും. ആഘോഷ പെരുമ കൊണ്ടും ജനപങ്കാളിത്തം കൊണ്ടും പ്രശസ്തമായ ഈ സംഗമം പോര്‍ട്‌സ്‌മൌത്തിലെ ഫോര്‍ട്ട് പര്‍ബ്രുക്കില്‍ വച്ച് നടത്തപ്പെടുന്നതാണ്.മുട്ടുചിറയിലെ ഏകദേശം നൂറ്റമ്പതിലധികം കുടുംബങ്ങള്‍ യുകെയുടെ വിവിധ ഭാഗങ്ങളിലുണ്ട്. പ്രസ്തുത എല്ലാ കുടുംബാംഗങ്ങളും സംഗമത്തിന് എത്തിച്ചേരണമെന്നാണ് സംഘാടകരുടെ ആഗ്രഹം , ആയതിനാല്‍ മുന്‍കൂട്ടി അറിയിച്ച എല്ലാവര്‍ക്കും കുറഞ്ഞ ചിലവില്‍ താമസവും ഭക്ഷണവും ഒരുക്കി സംഗമം ഒരു വന്‍ ജന പങ്കാളിത്തമാക്കാനാണ് സംഘാടകരുടെ ലക്ഷ്യം.പ്രധാന സംഗമ ദിവസമായ ശനിയാഴ്ച്ച യുകെയുടെ വിവിധ ഭാഗങ്ങളില്‍ നിന്നായി ഏകദേശം നാനൂറോളം ആളുകള്‍ സംഗമത്തില്‍ പങ്കെടുത്തു , നാട്ടു വിശേഷങ്ങള്‍ അയവിറക്കുന്നതാണ് .
മുട്ടുചിറ സ്വദേശിയും അവയവദാന സാമൂഹിക കാരുണ്യ പ്രവര്‍ത്തികളിലൂടെ പ്രശസ്തനായ പാലാ രൂപതയുടെ സഹായമെത്രാന്‍ അഭിവന്ദ്യ *മാര്‍ ജേക്കബ് മുരിക്കന്‍*
, കേരളാ ജലവിഭവ വകുപ്പ് മന്ത്രി ശ്രീ റോഷി അഗസ്റ്റിന്‍ , കടുത്തുരുത്തി എം ല്‍ എ ശ്രീ മോന്‍സ് ജോസഫ് , കടുത്തുരുത്തി പഞ്ചായത്ത് പ്രസിഡന്റ് ശ്രീമതി സൈനമ്മ ഷാജു , യുക്മ നാഷണല്‍ പ്രസിഡന്റ് ഡോ .ബിജു പെരിങ്ങത്തറ .റവ .ഫാ ബിറ്റാച്ചു പുത്തെന്‍പുരക്കല്‍ , റവ .ഫാ . ബിനോജ് പുത്തന്‍പ്പുരക്കല്‍ തുടങ്ങീ നിരവധി മത സാമൂഹിക രാഷ്ട്രീയ നേതാക്കന്മാര്‍ സംഗമത്തിന് വീഡിയോ കോണ്‍ഫറന്‍സിലൂടെ ആശംസകളര്‍പ്പിക്കും
സ്വിറ്റ്‌സര്‍ലന്‍ഡിലെ സൂറിച്ചിലെ ഇടവക വികാരിയും മുട്ടുചിറ വാലച്ചിറ നടയ്ക്കല്‍ കുടുംബാംഗവുമായ ബഹുമാനപ്പെട്ട Rev. Fr.വര്‍ഗീസ് നടക്കല്‍ മുട്ടുചിറ സംഗമത്തിന്റെ രക്ഷാധികാരിയായി പ്രവര്‍ത്തിച്ചു കൊണ്ടിരിക്കുന്നത്. എല്ലാ വര്‍ഷവും അദ്ദേഹമര്‍പ്പിക്കുന്ന വി.കുര്‍ബാനയോടെയാണ് സംഗമ പരിപാടികള്‍ ആരംഭിക്കുന്നത്. ജൂലൈ 22ാം തിയതി വെള്ളിയാഴ്ച്ച ഉച്ചക്ക് രണ്ടു മണിയോട് കൂടി ബാര്‍ബിക്യുവിനോടും , ഗാനമേളയോടും കൂടി ആരംഭിക്കുന്ന സംഗമ പരിപാടികള്‍ ജൂലൈ 24ാം തിയതി ഞായറാഴ്ച്ച ഉച്ചയോടു കൂടിയായിരിക്കും അവസാനിക്കുന്നത് . വിവിധ തരം കലാകായിക
പരിപാടികളും , മത്സരങ്ങളും സംഗമം വര്‍ണ്ണ ശബളമാക്കും . കൂടാതെ നാട്ടില്‍ നിന്നെത്തുന്ന മാതാപിതാക്കളുടെ അനുഗ്രഹത്തോടെ ആരംഭിക്കുന്ന ഈ സംഗമം അവരുടെ ഒരു ആദര വേദിയായി കൂടി മാറും
ജോണി കണിവേലില്‍ കണ്‍വീനറായി, രാജു കുര്യന്‍ ഇളമ്പാശ്ശേരില്‍ , ബൈജു കുര്യന്‍ ഇളമ്പാശ്ശേരില്‍ , ബിനു ജേക്കബ് കൊട്ടാരത്തില്‍, ബിന്ദു ബൈജു കൊട്ടാരത്തില്‍ തുടങ്ങിയവരുടെ മേല്‍നോട്ടത്തിലാണ് ഈ പ്രാവശ്യത്തെ മുട്ടുചിറ സംഗമം ഒരുങ്ങുന്നത്. വ്യത്യസ്തമായ കലാകായിക മത്സരങ്ങളും മറ്റു പ്രോഗ്രാമുകളും ഉള്‍പ്പെടുത്തി സംഗമത്തെ പുതിയ തലത്തിലേയ്ക്ക് നയിക്കുവാനുള്ള തയ്യാറെടുപ്പാണ് സംഘാടകര്‍ നടത്തുന്നത്. പ്രധാന സംഗമ ദിനമായ ജൂലൈ 23 ശനിയാഴ്ച ഗൃഹാതുരത്വമുണര്‍ത്തുന്ന പഴയ കാല സ്മരണകള്‍ അയവിറക്കാന്‍ കൂട്ടായ്മ അവസരമൊരുക്കുന്നുണ്ട്.
കൂടുതല്‍ വിവരങ്ങള്‍ക്ക്:
ജോണി കണിവേലില്‍: 07889800292.
ബിനു കൊട്ടാരത്തില്‍:
07830527516.
രാജു ഇളമ്പാശ്ശേരില്‍:
07886662537.
ബൈജു ഇളമ്പാശ്ശേരില്‍: 07815313185.
ബിന്ദു കൊട്ടാരത്തില്‍:
07897821258.
സംഗമം അഡ്രസ് :
The Peter Ashley Activtiy Cetnre
Fort Purbrook
Portsdown Hill Road
Cosham
Portsmouth
PO6 1BJ
വാര്‍ത്ത ജിജോ അരയത്ത്
