അനേകം മലയാള കലാസാഹിത്യ പ്രതിഭകളാല് സമ്പന്നമായ യു.കെയില് വീണ്ടുമൊരു എഴുത്തുകാരുടെ സംഗമം 'മലയാളോത്സവം 2024' എന്നപേരില് കേരളപ്പിറവിയാഘോഷത്തോടൊപ്പം ഇക്കൊല്ലം നവംബറിലെ ആദ്യ ശനിയും ഞായറും ദിനങ്ങളില് ലണ്ടനിലുള്ള കേരള ഹൌസില് വെച്ച് അരങ്ങേറുകയാണ്...
യു.കെയിലെ മലയാളം എഴുത്തുകാരുടെ ആദ്യസംഗമം 'മലയാളി അസോസ്സിയേഷന് ഓഫ് ദി യു. കെ (MAUK )'യുടെ ആസ്ഥാനമായ ലണ്ടനിലെ 'കേരളാഹൗസി'ല്വച്ചു 2017 ല് നടത്തുകയുണ്ടായി.
അതേത്തുടര്ന്നു 2019 ല് വീണ്ടും സംഘടിപ്പിച്ച സംഗമത്തിനു ശേഷം അനേകം മലയാളി എഴുത്തുകാര് ഈ രാജ്യത്ത് എത്തപ്പെടുകയും, ധാരാളം പുതിയ പുസ്തകങ്ങള് യു.കെ മലയാളികളുടേതായി പുറത്തുവരികയും ചെയ്തു.
എഴുത്തുകാര് തമ്മില് പരിചയപ്പെടുവാനും , അവരുടെ പുസ്തകങ്ങള് പരിചയപ്പെടുത്താനും വീണ്ടും ഒരു സംഗമം ആവശ്യമായിരിക്കുന്ന ഈ സാഹചര്യത്തില്, അതിനുള്ള വേദി 2024 നവംബര് 2, 3 തീയതികളിലായി ലണ്ടനിലെ 'കേരളാഹൗസി'ല് 'മലയാളോത്സവം 2024' എന്ന പേരില് ഒരുക്കുന്നു. കഥോത്സവം, കവിതോത്സവം, പുസ്തക പ്രദര്ശനം, പുസ്തക വില്പന, കവിതാലാപനം, രചനാ മത്സങ്ങള്, കലാ പ്രദര്ശനം എന്നിവ ഈ പരിപാടിയുടെ ഭാഗമായി നടത്തപ്പെടുന്നു.
ആദ്യ ദിനത്തില് സമ്മേളനങ്ങളും, രണ്ടാം ദിനത്തില് ചിത്ര/ശില്പ കലാ പ്രദര്ശനവും ഉണ്ടായിരിക്കും.
യു.കെയില് വസിക്കുന്നവരും വന്നു പോയവരുമടക്കം സൈബര് ഇടങ്ങളില് എഴുതുന്നവരും അല്ലാത്തവരുമായ എല്ലാ മലയാളി എഴുത്തുകാരുടെ പുസ്തകങ്ങളും, മലയാളി കുടിയേറ്റവുമായി ബന്ധപ്പെട്ട രേഖകളും, പ്രമാണങ്ങളും മറ്റും വരും തലമുറകള്ക്കുവേണ്ടി സൂക്ഷിക്കുന്നതിനായി ആരംഭിച്ച 'എഴുത്തച്ഛന് ഗ്രന്ഥശാല'യുടെ ഔപചാരികമായ ഉത്ഘാടനവും അന്നേദിവസം ഇതോടൊപ്പം നടത്തുന്നു. എഴുത്തുകാര്ക്ക് അവരുടെ പുസ്തകങ്ങള് പരിചയപ്പെടുത്താനും, വില്പന നടത്താനും സൗകര്യമുണ്ടായിരിക്കും.
മലയാളി കലാപ്രവര്ത്തകര് സൃഷ്ട്ടിച്ച ചിത്രങ്ങളും, ശില്പങ്ങളും, ഒപ്പം ബ്രിട്ടനിലെ സിനിമാ പ്രേമികള് അണിയിച്ചൊരുക്കിയ സിനിമകളുടെ പോസ്റ്ററുകളും പ്രദര്ശിപ്പിക്കുവാനും സൗകര്യമുണ്ടായിരിക്കും.
നിങ്ങളുടെ സാന്നിധ്യം മുന്കൂട്ടി അറിയിക്കുക.
Inviting volunteers to the Organising committee.
Inviting sponsorship from communtiy spirited businesses. അന്വേഷണങ്ങള്ക്ക്,
പ്രിയവ്രതന് (07812059822) മുരളീമുകുന്ദന് (07930134340)
ശ്രീജിത്ത് ശ്രീധരന് (07960212334). www.mauk.org.
www.coffeeandpotery.org.
ഈ പരിപാടിയുടെ മുന്നൊരുക്കങ്ങള്ക്കായി തുടങ്ങിയിട്ടുള്ള 'വാട്ട്സാപ്പ് ഗ്രൂപ്പി'ല് അണിചേരുവാന് എല്ലാ കലാസാഹിത്യ കുതുകികളേയും സ്നേഹപൂര്വ്വം ക്ഷണിക്കുന്നു...
Join the WhatsApp group
https://chat.whatsapp.com/G2kPYI7HKGd3RuvX1CdZ7x
