അമ്മയും സഹോദരനും വഴക്ക് പറഞ്ഞതിന്റെ പേരില് ഉത്തര്പ്രദേശിലെ മീററ്റില് പതിനഞ്ചുകാരന് സ്വയം നിറയൊഴിച്ച് ജീവനൊടുക്കി. ഒമ്പതാം ക്ളാസുകാരനായ കുട്ടിയാണ് സ്വയം ജീവനൊടുക്കിയത്.
ചീത്ത കൂട്ടുകെട്ടിന്റെ പേരില് കുട്ടിയെ അമ്മയും സഹോദരനും ചീത്ത പറഞ്ഞിരുന്നു. തുടര്ന്ന് വിഷമത്തിലായ കുട്ടി, തന്റെ മുറിയില് കയറി കതക് കുറ്റിയിട്ടു. ശേഷമാണ് നിറയൊഴിച്ച് ജീവനൊടുക്കിയത്. മരിക്കുന്നതിന് മുന്പ് മരണശേഷം ഒരാള്ക്ക് എന്ത് സംഭവിക്കുമെന്ന് അറിയാനായി കുട്ടി 'ഗരുഡപുരാണം' വീഡിയോകള് കണ്ടിരുന്നു. അതേസമയം, കുട്ടിക്ക് തോക്ക് എവിടെനിന്ന് ലഭിച്ചു എന്നതടക്കമുളള വിവരങ്ങള് പരിശോധിക്കാന് പൊലീസ് തീരുമാനിച്ചിട്ടുണ്ട്.
