സംവിധായകനും രാഷ്ട്രീയക്കാരനുമായ അഖില് മാരാര് ട്വന്റി 20 പാര്ട്ടി വിട്ടു. പാര്ട്ടിയില് പ്രവര്ത്തന സ്വാതന്ത്ര്യം ഇല്ലെന്നും മുന്നോട്ട് സഹകരിച്ച് പോകാന് ആകുന്നില്ലെന്നും അഖില് മാരാര് പ്രതികരിച്ചു.
ട്വന്റി 20 പാര്ട്ടി അധ്യക്ഷന് സാബു എം ജേക്കബിനെതിരെ രൂക്ഷ വിമര്ശനം ഉന്നയിച്ച് കൊണ്ടാണ് അഖില് മാരാരിന്റെ പടിയിറക്കം. തെരഞ്ഞെടുപ്പിന് ശേഷം സാബു എം ജേക്കബ് ഫോണ് വിളിച്ചാല് പോലും എടുക്കുന്നില്ലെന്നാണ് ആക്ഷേപം. കൊട്ടാരക്കര സീറ്റ് ഉറപ്പ് നല്കിയാണ് തന്നെ ട്വന്റി 20 യില് എത്തിച്ചത്. പിന്നീട് തൃപ്പൂണിത്തുറ തരാമെന്ന് പറഞ്ഞ് വഞ്ചിച്ചു. ട്വന്റി 20 സാബുവിനെ വ്യക്തിപരമായ നേട്ടത്തിന് വേണ്ടി മാത്രമുള്ള പാര്ട്ടിയാണെന്നും അഖില് മാരാര് വിമര്ശിച്ചു.
