വലിയ റോഡ് സൈഡ് പരസ്യ ഹോര്‍ഡിങ് യഥാര്‍ത്ഥ റോഡാണെന്ന് തെറ്റിദ്ധരിച്ച് സിലിണ്ടര്‍ മിക്‌സര്‍ ഡ്രമ്മുള്ള ഒരു ട്രക്ക് ഇടിച്ചുകയറ്റി അപകടം.ഡെറാഡൂണ്‍ എക്‌സ്പ്രസ് വേയിലാണ് അപകടം നടന്നത്. ഇതിന്റെ വീഡിയോ സോഷ്യല്‍ മീഡിയ പ്ലാറ്റ്ഫോമുകളില്‍ വൈറലായിട്ടുണ്ട്.
എക്‌സ്പ്രസ് വേയ്ക്ക് സമീപം വലിയൊരു ചുവര്‍ച്ചിത്ര മാതൃകയിലുള്ള ഹോര്‍ഡിങ് സ്ഥാപിച്ചിരുന്നതായി എക്‌സില്‍ പങ്കുവെച്ച ഒരു പോസ്റ്റില്‍ പറയുന്നു. പരസ്യം വളരെ യാഥാര്‍ത്ഥ്യബോധമുള്ള ശൈലിയിലാണ് വരച്ചിരുന്നത്, ഇത് വിശാലമായ ഒരു മള്‍ട്ടി-ലെയ്ന്‍ റോഡിനോട് ഏറെ സാദൃശ്യമുള്ളതായിരുന്നു
യഥാര്‍ത്ഥ ഹൈവേ എവിടെ അവസാനിക്കുന്നുവെന്നും ബോര്‍ഡ് എവിടെ തുടങ്ങുന്നുവെന്നും തിരിച്ചറിയാന്‍ കണ്ടെയ്‌നര്‍ ട്രക്ക് ഡ്രൈവിനു കഴിഞ്ഞില്ല. ബോര്‍ഡ് റോഡാണെന്ന് വിശ്വസിച്ച് ഡ്രൈവര്‍ തന്റെ ട്രക്ക് അതിലേക്ക് നേരിട്ട് ഓടിച്ച് കയറ്റുകയായിരുന്നു.ട്രക്ക് ബോര്‍ഡിലേക്കും അതിന്റെ പിന്നിലെ ഭിത്തിയിലേക്കും ഇടിച്ചുകയറി.വാഹനത്തിന്റെ മുന്‍ഭാഗത്തിന് കാര്യമായ കേടുപാടുകള്‍ സംഭവിച്ചിട്ടുണ്ട്. ഡ്രൈവറുടെ വിവരങ്ങളും ആരോഗ്യസ്ഥിതിയും ലഭ്യമായിട്ടില്ല
