ഇറാന് പ്രസിഡന്റ് ഇബ്രാഹിം റെയ്സിയുടെ മരണത്തില് പങ്കില്ലെന്ന് വ്യക്തമാക്കി ഇസ്രയേല്. റെയ്സിയുടെ മരണത്തില് ഇസ്രയേലിന് പങ്കുണ്ടെന്ന വാര്ത്തകള് പുറത്തുവന്നതിന് പിന്നാലെയാണ് അധികൃതരുടെ പ്രതികരണം. എന്നാല് പ്രസിഡന്റിന്റെ മരണത്തില് ശത്രുരാജ്യങ്ങള്ക്കും മൊസാദിനും പങ്കുണ്ടെന്ന തരത്തിലുള്ള അഭ്യൂഹങ്ങളാണ് പുറത്തുവരുന്നത്. ഇതില് ഔദ്യോഗികമായ വിവരങ്ങളോ തെളിവുകളോ ഇതുവരെ ലഭ്യമായിട്ടില്ല.
ഇറാന് പ്രസിഡന്റ് ഇബ്രാഹിം റെയ്സിയുടെ ഹെലികോപ്ടര് അപകട വാര്ത്ത ഏറെ ദുരൂഹതകളുണര്ത്തുന്നുണ്ട്. ഇറാനിലും പുറത്തും ഇബ്രാഹിം റെയ്സിയ്ക്ക് ശത്രുക്കള്ക്ക് കുറവൊന്നുമുണ്ടായിരുന്നില്ലെന്നതാണ് സംഭവം ഇത്രയേറെ ദുരൂഹമാകുന്നത്. എന്നാല് അപകടത്തില് ഇത്രയേറെ സംശയങ്ങള് ജനിപ്പിക്കുന്നതിന് കാരണം കഴിഞ്ഞ കുറച്ച് നാളുകളായി ഇറാന് സ്വീകരിച്ച് പോന്നിരുന്ന നിലപാടുകളാണ്.
വടക്കുപടിഞ്ഞാറന് ഇറേനിയന് പ്രവിശ്യയായ ഈസ്റ്റ് അസര്ബൈജാനിലെ ജോല്ഫ നഗരത്തില് ഇന്നലെ റെയ്സിയുടെ ഹെലികോപ്റ്റര് ഇടിച്ചിറങ്ങിയെന്നാണ് ഇറേനിയന് മാധ്യമങ്ങള് അറിയിച്ചത്.
ഈസ്റ്റ് അസര്ബൈജാന് ഗവര്ണര് മാലിക് റഹ്മാതി അടക്കമുള്ളവരും ഈ കോപ്റ്ററില് ഉണ്ടായിരുന്നു. അയല് രാജ്യമായ അസര്ബൈജാനിലെ പ്രസിഡന്റ് ഇല്ഹാം അലിയേവിനൊപ്പം അണക്കെട്ട് ഉദ്ഘാടനംചെയ്തു മടങ്ങുകയായിരുന്നു റെയ്സി. അദ്ദേഹവും അനുയായികളും മൂന്നു ഹെലികോപ്റ്ററുകളിലാണ് സഞ്ചരിച്ചത്.
