നടനും എഴുത്തുകാരനും ഡബ്ബിങ് ആര്‍ട്ടിസ്റ്റുമായ രാജേഷ് വില്യംസ് അന്തരിച്ചു. രക്തസമ്മര്‍ദ്ദവും ശ്വാസതടസ്സവും അനുഭവപ്പെട്ടതോടെ നടനെ ആശുപത്രിയിലേക്ക് കൊണ്ടുപോയിരുന്നു. എന്നാല്‍ ആശുപത്രിയിലേക്കുള്ള വഴിമധ്യേ മരണം സംഭവിക്കുകയായിരുന്നു എന്നാണ് നടന്റെ കുടുംബം സ്ഥിരീകരിച്ചത്. 75 വയസ് ആയിരുന്നു.
150ലേറെ തമിഴ് സിനിമകളില്‍ രാജേഷ് വേഷമിട്ടിട്ടുണ്ട്. തെലുങ്ക്, മലയാളം ചിത്രങ്ങളിലും അഭിനയിച്ചിട്ടുണ്ട്. തന്റെ സുഹൃത്ത് ആയിരുന്ന രാജേഷിന്റെ വിയോഗം ഞെട്ടിച്ചുവെന്ന് പ്രതികരിച്ച് രജനികാന്ത് അനുശോചനം അറിയിച്ച് എത്തിയിട്ടുണ്ട്. നടി രാധിക ശരത്കുമാറും അനുശോചനങ്ങള്‍ അറിയിച്ചിട്ടുണ്ട്.
