മാതാപിതാക്കള്, മുതിര്ന്ന പൗരന്മാര് എന്നിവരെ ഉപേക്ഷിക്കുന്ന മക്കള്, കൊച്ചുമക്കള്, മരുമക്കള് എന്നിവര്ക്ക് ആറു മാസം വരെ തടവും പതിനായിരം രൂപ പിഴയും ശിക്ഷ നല്കാന് നടപടിയുമായി കേന്ദ്ര സര്ക്കാര്.
മാതാപിതാക്കളുടേയും മുതിര്ന്ന പൗരന്മാരുടേയും പരിപാലനം , ക്ഷേമം എന്നിവ സംബന്ധിച്ച ബില് ലോക്സഭയില് അവതരിപ്പിച്ചു. ശാരീരിക ഉപദ്രവം, മാനസിക പീഡനം, മോശം വാക്ക് ഉപയോഗിക്കല്, മുറിവേല്പ്പിക്കല് എന്നിവ ശിക്ഷാര്ഹമാണ്. മൂന്നു മാസം തടവും അയ്യായിരം പിഴയുമായിരുന്ന ശിക്ഷയാണ് ഭേദഗതി നടത്തിയത്. മക്കളില്ലാത്തവരുടെ സംരക്ഷണ ചുമതല അവരുടെ സ്വത്തിന്റെ അവകാശികള്ക്കായിരിക്കും.