Breaking Now

ആവശ്യത്തിന് സെക്‌സില്ല, ഭര്‍ത്താവ് ആത്മഹത്യ ചെയ്തു; ഭര്‍തൃവീട്ടുകാരുടെ പരാതിയില്‍ ആത്മഹത്യാ പ്രേരണയ്ക്ക് ഭാര്യയെ അറസ്റ്റ് ചെയ്ത് പോലീസ്!

തര്‍ക്കങ്ങള്‍ രൂക്ഷമായതോടെ ഗീത സ്വന്തം മാതാപിതാക്കളുടെ വീട്ടിലേക്ക് മാറി

ആവശ്യത്തിന് ലൈംഗിക ബന്ധത്തില്‍ ഏര്‍പ്പെടാന്‍ സാധിക്കാത്തതിന്റെ പേരില്‍ ഗുജറാത്തില്‍ ഭര്‍ത്താവ് ആത്മഹത്യ ചെയ്ത സംഭവത്തില്‍ ആത്മഹത്യാ പ്രേരണാ കുറ്റം സംശയിച്ച് ഭാര്യയെ അറസ്റ്റ് ചെയ്ത് പോലീസ്! ഗുജറാത്തിലെ മാനിനഗര്‍ സ്വദേശിനി 32-കാരി ഗീതാ പാര്‍മറിനെയാണ് ഭര്‍തൃമാതാവിന്റെ പരാതിയെത്തുടര്‍ന്ന് പോലീസ് കസ്റ്റഡിയില്‍ എടുത്തത്. 

ഭര്‍ത്താവ് സുരേന്ദ്രസിംഗുമായി ഗീത സെക്‌സില്‍ ഏര്‍പ്പെട്ടില്ലെന്നാണ് അന്തരിച്ച വ്യക്തിയുടെ അമ്മ മുളി പാര്‍മര്‍ നല്‍കിയ പരാതി. 22 മാസക്കാലം മാത്രമാണ് ഇവരുടെ വിവാഹ ജീവിതം നീണ്ടത്. ആവശ്യത്തിന് സെക്‌സ് ലഭിക്കാതെ വന്നതോടെ മകന്‍ മാനസിക സമ്മര്‍ദത്തിലായെന്നും ബന്ധത്തില്‍ വിള്ളല്‍ വീണെന്നും മുളി ആരോപിക്കുന്നു. 

വിവാഹിതരായ ദമ്പതികളുടെ വീട്ടില്‍ സന്ദര്‍ശനത്തിന് എത്തിയപ്പോഴാണ് ഇരുവരും രണ്ട് സ്ഥലത്താണ് കിടന്നുറങ്ങുന്നതെന്ന് ഇവര്‍ കണ്ടെത്തിയത്. ഇതേക്കുറിച്ച് ചോദിച്ചപ്പോഴാണ് താനും ഗീതയും തമ്മില്‍ ശാരീരിക ബന്ധമില്ലെന്ന് സുരേന്ദ്രസിംഗ് വെളിപ്പെടുത്തി. ഭര്‍ത്താവുമായി ഇത്തരമൊരു ബന്ധം സാധ്യമല്ലെന്ന് ഗീത പ്രതിജ്ഞ ചെയ്തിരുന്നതായി മുളി പറയുന്നു. 

ഇതിന്റെ പേരിലുള്ള തര്‍ക്കങ്ങള്‍ രൂക്ഷമായതോടെ ഗീത സ്വന്തം മാതാപിതാക്കളുടെ വീട്ടിലേക്ക് മാറി. ജൂലൈ 27ന് സുരേന്ദ്രസിംഗ് ആത്മഹത്യ ചെയ്യുകയായിരുന്നു. റെയില്‍വെ ജീവനക്കാരനായിരുന്ന സുരേന്ദ്രയുടെ രണ്ടാം വിവാഹമായിരുന്നു ഇത്. ആദ്യ ബന്ധം രണ്ട് വര്‍ഷം മുന്‍പ് വേര്‍പെടുത്തിയിരുന്നു. 




കൂടുതല്‍വാര്‍ത്തകള്‍.