നോമ്പുകാലത്തിലേക്ക് കടക്കവേ വിശ്വാസ സമൂഹത്തിന് വലിയൊരു ഉണര്‍വായി ഗ്ലോസ്റ്റര്‍ സെന്റ് മേരീസ് സീറോ മലബാര്‍ കാതലിക് ചര്‍ച്ചിന്റെ ആനുവല്‍ റിട്രീറ്റ് .
കേരളത്തിലെ യുവ വചന പ്രഘോഷകരിൽ പ്രമുഖനും , കോട്ടയം പാമ്പാടി ഗുഡ് ന്യൂസ് റിട്രീറ്റ് സെന്ററിലെ ഡയറക്ടറായ ഫാ ജിന്‍സ് ചീങ്കല്ലേല്‍ നയിച്ച മൂന്നു ദിവസം നീണ്ട ധ്യാനം ജീവിത മൂല്യങ്ങളെ ഉണര്‍ത്തുന്ന ദൈവിക നിമിഷങ്ങളാണ് സമ്മാനിച്ചത്.വിശ്വാസം , സ്‌നേഹം , പ്രത്യാശ എന്നീ മൂല്യങ്ങളെ മുറുകെ പിടിച്ച് പിതാവിലേക്ക് തിരിയാന്‍ ഫാദര്‍ തന്റെ വചനങ്ങളിലൂടെ ഉദ്‌ബോധിപ്പിച്ചു
ഗ്രേറ്റ് ബ്രിട്ടന്‍ സീറോ മലബാര്‍ മിഷന്‍ ബിഷപ് മാര്‍ ജോസഫ് സ്രാമ്പിക്കല്‍ പിതാവ് അച്ചന്റെ ധ്യാനത്തില്‍ പങ്കുകൊണ്ടു.മൂന്നു ദിവസത്തേയും വിശുദ്ധ കുര്‍ബാനയ്ക്ക് ബിഷപ് മാര്‍ ജോസഫ് സ്രാമ്പിക്കല്‍ മുഖ്യ കാര്‍മികനായിരുന്നു
വചന വ്യാഖ്യാനങ്ങള്‍കൊണ്ട് മാര്‍ ജോസഫ് സ്രാമ്പിക്കല്‍ പിതാവും ധ്യാന വേദിയെ ധന്യമാക്കി
വലിയൊരു അഭിഷേക ഉണര്‍വായിരുന്നു റിട്രീറ്റ് സമ്മാനിച്ചത്.ചെറിയ സംഭവങ്ങളിലൂടെ വലിയ സന്ദേശങ്ങള്‍ പകര്‍ന്നു നല്‍കി ലളിതമായി ദൈവസ്‌നേഹവും കാരുണ്യവും ജീവിതത്തിന്റെ ഭാഗമാക്കുന്നതിനെ കുറിച്ച് അച്ചന്‍ വിശ്വാസ സമൂഹത്തിന് പറഞ്ഞു നല്‍കി.
വിശുദ്ധ കുര്‍ബാനയിലെ പങ്കാളിത്തം സജീവമാകേണ്ടതിനെ പറ്റി മാര്‍ ജോസഫ് സ്രാമ്പിക്കല്‍ പിതാവ് ഓര്‍മ്മിപ്പിച്ചു
ഗ്ലോസ്റ്റര്‍ സെന്റ് മേരീസ് സീറോ മലബാര്‍ കാതലിക് വികാരി ഫാ ജിബിന്‍ പോള്‍ വാമറ്റത്തില്‍ അച്ചനും ട്രസ്റ്റിമാരായ ബാബു അളിയത്ത്, ആന്റണി തെക്കേ മുറിയിൽ തുടങ്ങിയവരുടെ നേതൃത്വത്തിൽ കമ്മറ്റി അംഗങ്ങളും ചേർന്ന് ധ്യാനത്തിന് വേണ്ട സൗകര്യങ്ങൾ ഒരുക്കി. ലോറൻസും മേഴ്സിയും ഗാന ശുശ്രൂഷകൾക്ക് നേതൃത്വം നൽകി.
വെള്ളിയാഴ്ച വൈകീട്ട് അഞ്ചരയോടെ ആരംഭിച്ച ധ്യാനം ഞായറാഴ്ച വൈകിട്ടാണ് അവസാനിച്ചത്.ജീസസ് യൂത്ത് അംഗങ്ങള്‍ കുട്ടികള്‍ക്ക് വേണ്ടി നടത്തിയ ധ്യാനവും ശ്രദ്ധേയമായിരുന്നു.
ഫാ ജിബിന്‍ വാമറ്റത്തില്‍ ഏവര്‍ക്കും നന്ദി രേഖപ്പെടുത്തി. വിശ്വാസ സമൂഹത്തിന് വലിയൊരു ഉണര്‍വ് സമ്മാനിച്ച് നോമ്പുകാല ഒരുക്കങ്ങള്‍ക്ക് ഭക്തിപൂര്‍വ്വമുള്ള ഒരു തുടക്കമായി ഫാ ജിന്‍സ് നയിച്ച റിട്രീറ്റ്.
വാർത്ത : ജെഗി ജോസഫ്
