ലണ്ടന്‍ :- കൈരളി യുകെയുടെ രണ്ടാമത് ദേശീയ പ്രതിനിധി സമ്മേളനം റോയല്‍ ബ്രിട്ടീഷ് ലേജിയന്‍ ഹെയ്ജ് ഹൗസ് ന്യൂബെറിയില്‍ വച്ച് ബഹു. തദ്ദേശ സ്വയംഭരണ- എക്‌സ്സൈസ് വകുപ്പ് മന്ത്രി ശ്രീ.എം.ബി രാജേഷ്
ഉത്ഘാടനം ചെയ്തു. പ്രവാസികള്‍ നാടിന്റെ സ്പന്ദനം തൊട്ടറിയുന്നവരാണെന്നും, നാടിന്റെ വികസനത്തിന് പ്രവാസികളുടെ പങ്ക് ചെറുതല്ല എന്നും അദ്ദേഹം പറഞ്ഞു. കൈരളിയുടെ മുന്‍കാല പ്രവര്‍ത്തനങ്ങളെ ആഴത്തില്‍ വിശകലനം ചെയുവാനും, യുകെയിലെ പുതിയ രാഷ്ട്രീയ സാമൂഹിക സാഹചര്യങ്ങളെ പുതിയതായി വരുന്ന പ്രവാസി മലയാളികളെ എത്തരത്തില്‍ ബാധിക്കുന്നു എന്നത് കൂടുതലായി ചര്‍ച്ച ചെയപ്പെടേണ്ടതാണെന്ന് അദ്ദേഹം കൂട്ടി ചേര്‍ത്തു..
പ്രതിനിധി സമ്മേളനം 2025- 2027 വര്‍ഷത്തെക്കുള്ള ഭാരവാഹികളെയും കമ്മറ്റിയെയും തിരഞ്ഞെടുത്തു. സമ്മേളനം കൈരളി യുകെയുടെ പ്രസിഡന്റായി രാജേഷ് ചെറിയാനെയും സെക്രട്ടറിയായി നവിന്‍ ഹരികുമാറിനെയും ട്രഷറായി ടി. കെ സൈജുവിനെയും തിരഞ്ഞെടുത്തു.
സാമൂവല്‍ ജോഷ്വ (വൈസ് പ്രസിഡണ്ട്), ജോസഫ്. ടി. ജോസഫ് ( വൈസ് പ്രസിഡന്റ്), ജോസന്‍ ജോസ് (ജോയിന്റ് സെക്രട്ടറി), അനുമോള്‍ ലിന്‍സ് (ജോയിന്റ് സെക്രട്ടറി), കുര്യന്‍ ജേക്കബ്, പ്രിയ രാജന്‍, ബിജു ഗോപിനാഥ്,പ്രവീണ്‍ സോമനാഥന്‍, ലിനു വര്‍ഗ്ഗീസ്, നിതിന്‍ രാജ്, ഐശ്വര്യ കമല, മിനി വിശ്വനാഥന്‍, ജ്യോതി സി.എസ്, ജെയ്‌സന്‍ പോള്‍, ജെറി വല്യറ,രഞ്ജിത്ത് തെക്കേകുറ്റ്, വരുണ്‍ ചന്ദ്രബാലന്‍, സുജ വിനോദ്, ജയകൃഷ്ണന്‍,അനസ് സലാം, അബിന്‍ രാജു എന്നിവര്‍ അടങ്ങിയ നാഷണല്‍ കമ്മിറ്റിയെ സമ്മേളനം തിരഞ്ഞെടുത്തു. പ്രിയ രാജന്‍, ബിനോജ് ജോണ്‍, രാജേഷ് ചെറിയാന്‍ എന്നിവരടങ്ങിയ പ്രസീഡിയം സമ്മേളന നടപടികള്‍ നിയന്ത്രിച്ചു. ദേശീയ സെക്രട്ടറി കുര്യന്‍ ജേക്കബ് അവതരിപ്പിച്ച പ്രവര്‍ത്തന റിപ്പോര്‍ട്ടും, ട്രഷറര്‍ എല്‍ദോസ് അവതരിപ്പിച്ച സാമ്പത്തിക റിപ്പോര്‍ട്ടും സമ്മേളനം ചര്‍ച്ച ചെയ്ത്
അംഗീകരിച്ചു. യുകെ യിലെ വിവിധ യൂണിറ്റ് സമ്മേളനങ്ങളില്‍ നിന്നും തിരഞ്ഞെടുക്കപ്പെട്ട 122 പ്രതിനിധികള്‍ സമ്മേളനത്തില്‍ പങ്കെടുത്തു. മിനി വിശ്വനാഥന്‍, ജെറി വല്യറ മിനിട്‌സ് കമ്മിറ്റിയുടെയും, അനുമോള്‍ ലിന്‍സ്,
അശ്വതി അശോക്, ജോസഫ്.ടി.ജോസഫ് എന്നിവര്‍ പ്രമേയ കമ്മിറ്റിയുടെയും, അനു മോള്‍ ലിന്‍സ്, ജെയ്‌സന്‍ പോള്‍, ലൈലജ് എന്നിവര്‍ രജിസ്‌ട്രേഷന്‍ കമ്മിറ്റിയുടെയും ചുമതലകള്‍ വഹിച്ചു.
പഹല്‍ഗാമ ഭീകരക്രമണ പശ്ചാത്തലത്തില്‍ തീവ്രവാദികള്‍ ക്കെതിരെ ശക്തമായ നിലപാട് എടുക്കണമെന്നും, വര്‍ധിച്ചുവരുന്ന വിസ തട്ടിപ്പുകള്‍ക്കും നിയമാനുസൃതമല്ലാത്ത റിക്രൂട്‌മെന്റുകള്‍ക്കും എതിരെ കേന്ദ്ര, സംസ്ഥാന സര്‍ക്കാറുകളുടെ
ഇടപെടലും മേല്‍നോട്ടവും ആവശ്യപ്പെട്ടുകൊണ്ടും,യുകെയുടെ വിവിധ
ഭാഗങ്ങളില്‍ നിന്ന് കേരളത്തിലേക്ക് നേരിട്ട് വിമാനം സര്‍വീസ് ആരംഭിക്കണമെന്നും തുടങ്ങിയ പ്രമേങ്ങളും സമ്മേളനം അംഗീകരിച്ചു. നാഷണല്‍ കമ്മിറ്റി അംഗം അജയന്‍ അനുശോചനം അവതരിപ്പിച്ച ചടങ്ങില്‍
കൈരളിയുടെ ജോയിന്റ് സെക്രട്ടറി നവിന്‍ ഹരികുമാര്‍ സ്വാഗതവും, പുതുതായി തിരഞ്ഞെടുക്കപ്പെട്ട പ്രസിഡന്റ് രാജേഷ് ചെറിയാന്‍ നന്ദിയും രേഖപ്പെടുത്തി.
