കവന്‍ട്രി: പതിനാറാമത് യുക്മ റീജിയണല്‍ കലാമേള ഒക്ടോബര്‍ 11 നു ശനിയാഴ്ച കവന്‍ട്രിയില്‍ വെച്ച് മിഡ്ലാന്‍ഡസ് റീജിയണല്‍ പ്രസിഡന്റ് അഡ്വ ജോബി പുതുകുളങ്ങരയുടെ നേതൃത്വത്തില്‍ പ്രൗഢ ഗംഭീരമായി നടത്തപ്പെട്ടു. കവന്‍ട്രി കേരള കമ്യൂണിറ്റി ആതിഥേയത്വം വഹിച്ച കലാമേള യുക്മ നാഷണല്‍ സെക്രട്ടറി ശ്രീ ജയകുമാര്‍ നായര്‍ ഉല്‍ഘാടനം ചെയ്തു. ചടങ്ങില്‍ നാഷണല്‍ വൈസ് പ്രസിഡന്റും കലാമേള കോഡിനേറ്ററുമായ ശ്രീ വര്‍ഗ്ഗീസ് ഡാനിയേല്‍, നാഷണല്‍ വൈസ് പ്രസിഡന്റ് ശ്രീമതി സ്മിത തോട്ടം, നാഷണല്‍ ജോയിന്റ് സെക്രട്ടറി ശ്രീ സണ്ണിമോന്‍ മത്തായി, ദേശീയ നിര്‍വ്വാഹക സമിതി അംഗം ശ്രീ ജോര്‍ജ്ജ് തോമസ് എന്നിവര്‍ മുഖ്യാതിഥികളായിരുന്നു. റീജിയണല്‍ സെക്രട്ടറി ശ്രീ ലൂയിസ് മേനാച്ചേരി സ്വാഗതവും, ട്രഷറര്‍ ശ്രീ പോള്‍ ജോസഫ് നന്ദിയും പറഞ്ഞു.
ലെസ്റ്റര്‍ (LKC) അസോസിയേഷന് 191 പോയന്റോടെ ഒന്നാം സ്ഥാനവും വാല്‍മ (വാര്‍വിക് & ലെമിംഗ്ടണ്‍) അസോസിയേഷന് രണ്ടാം സ്ഥാനവും 73 പോയന്റോടെ കവന്ററി (സി കെ സി) അസോസിയേഷന് മൂന്നാം സ്ഥാനവും കരസ്ഥമാക്കി.
കലാതിലകമായി വാര്‍വിക് ആന്‍ഡ് ലെമിംഗ്ടണ്‍ അസോസിയേഷന്റെ (വാല്‍മ) അദ്വൈത പ്രശാന്തനും കലാപ്രതിഭയയായി ലെസ്റ്റര്‍ കേരള കമ്മ്യൂണിറ്റിയുടെ (LKC) കലേഷ് .ടി. രമണിയും പുരസ്‌കാരങ്ങള്‍ കരസ്ഥമാക്കി.
കിഡ്‌സ് വിഭാഗത്തില്‍ ലെസ്റ്റര്‍ കേരള കമ്യൂണിറ്റിയില്‍ നിന്നുള്ള രേവതി അജീഷ്, സബ്ജൂനിയര്‍ വിഭാഗത്തില്‍ വാല്‍മ (വാര്‍വിക് &ലെമിംഗ്ടണ്‍) അസോസിയേഷനില്‍ നിന്നുള്ള അമേയ കൃഷ്ണ നിധീഷ്, ജൂനിയര്‍ വിഭാഗത്തില്‍ ഇതേ അസോസിയേഷനില്‍ നിന്നുള്ള അദ്വൈത പ്രശാന്ത് എന്നിവര്‍ വ്യക്തികത വിഭാഗത്തില്‍ ചാമ്പ്യന്മാരാകുകയും സീനിയര്‍ വിഭാഗത്തില്‍ ലെസ്റ്റര്‍ കേരള കമ്യൂണിറ്റിയില്‍ നിന്നുള്ള അഞ്ജന രമ്യയും, കവന്‍ട്രി കേരള കമ്യൂണിറ്റിയില്‍ നിന്നുള്ള ഐശ്വര്യ വിനു നായരും വ്യക്തിഗത ചാമ്പ്യന്മാരായി തെരെഞ്ഞെടുക്കപ്പെട്ടു.
വൈകിട്ട് നടന്ന സമാപന സമ്മേളനത്തില്‍ നാഷണല്‍ പ്രസിഡന്റ് അഡ്വ എബി സെബാസ്റ്റ്യന്‍ സമ്മാനദാനം നിര്‍വ്വഹിച്ചു. റീജിയണല്‍ കലാമേള കോര്‍ഡിനേറ്റര്‍ ശ്രീമതി രേവതി അഭിഷേക്, റീജിയണല്‍ വൈസ് പ്രസിഡന്റുമാരായ ശ്രീ ജോസ് തോമസ്, ശ്രീമതി സോമി കുരുവിള, റീജിയണല്‍ ജോയന്റ് സെക്രട്ടറിമാരായ ശ്രീ രാജീവ് ജോണ്‍, ശ്രീമതി അനിത മധു, റീജിയണല്‍ ജോയിന്റ് ട്രഷറര്‍ ശ്രീ ജോര്‍ജ്ജ് മാത്യു, റീജിയണല്‍ പി ആര്‍ ഒ ശ്രീ രാജപ്പന്‍ വര്‍ഗ്ഗീസ്, റീജിയണല്‍ മീഡിയ കോര്‍ഡിനേറ്റര്‍ ശ്രീ അരുണ്‍ ജോര്‍ജ്ജ്, റീജിയണല്‍ നേഴ്സസ് ഫോറം കോര്‍ഡിനേറ്റര്‍ ശ്രീ സനല്‍ ജോസ്, വിമന്‍സ് ഫോറം കോര്‍ഡിനേറ്റര്‍ ശ്രീമതി ബെറ്റി തോമസ്, മുന്‍ നാഷണല്‍ ട്രഷറര്‍മാരായ ശ്രീ ഡിക്‌സ് ജോര്‍ജ്ജ്, ശ്രീ അനീഷ് ജോണ്‍, മുന്‍ നാഷണല്‍ വൈസ് പ്രസിഡന്റ് ശ്രീമതി ബീന സെന്‍സ്, മുന്‍ സ്‌പോര്‍ട്‌സ് കോര്‍ഡിനേറ്റര്‍ ശ്രീ സെന്‍സ് ജോസ് എന്നിവരും സി കെ സി പ്രസിഡന്റ് ശ്രീ ബാബു എബ്രാഹം, സെക്രട്ടറി രേവതിനായര്‍, യുക്മ മിഡ്ലാന്ഡ്സ് അംഗ അസോസിയേഷന് പ്രസിഡന്റുമാര്‍, സെക്രട്ടറിമാര്‍, അസോസിയേഷന് ഭാരവാഹികള്‍, അസ്സിസിയേഷന്റെ യുക്മ പ്രതിനിധികള്‍, ഓഫീസ് ഭാരവാഹികള്‍ ആയ ബൈജു തോമസ്, അജയ് പെരുമ്പലത്തു, സൂരജ് തോമസ്, സുനില്‍ ഡാനിയേല്‍, ജോഷി മാത്യു, ബിജു തോമസ്, ലൈറ്റ് & സൗണ്ട് നല്‍കിയ ശ്രീ ബിജു കൊച്ചുതള്ളിയില്‍, പ്രധാന വേദി നിയന്ത്രിച്ച ജിനോ സെബാസ്റ്റ്യന്‍, ബാക്കി വേദികള്‍ നിയന്ത്രിച്ച ബിനു ഏലിയാസ്, അജിത് ബാലകൃഷ്ണന്‍, അജീഷ് നായര്‍, ഷൈനി ബിജോയ്, സോമി കുരുവിള, റ്റിജോ ജോസഫ്, സജീവന്‍ വൂസ്റ്റര്‍, ഡിനു വര്‍ഗീസ്, സാബു വടക്കേല്‍, ബെന്നി വര്‍ഗീസ്, സിജി മാത്യു, ആഷ്ലി മാത്യു, മിഥു ജെയിംസ് എന്നിവരും, ഏകദേശം 26 അസോസിയേഷനില്‍ നിന്നായി എണ്ണൂറോളം മത്സരാര്‍ത്ഥികളും, പങ്കെടുത്ത കലാമേളയില്‍ 1500 ല്‍ അധികം കാണികളും പങ്കെടുത്തു.
യുക്മ റീജിയണല്‍ കലാമേളയില്‍ പങ്കെടുത്ത വിജയികളായ എല്ലാവര്‍ക്കും യുക്മ മിഡ്ലാന്ഡ്സ് കമ്മിറ്റിയുടെ പ്രത്യേക അഭിനന്ദനങ്ങള്‍. കലാമേളയില്‍ പങ്കെടുത്ത എല്ലാവര്‍ക്കും അവരെ പിന്തുണച്ച അവരുടെ കുടുബങ്ങള്‍ക്കും, സുഹൃത്തുക്കള്‍ക്കും, കലാമേളയുടെ പ്രവര്‍ത്തനത്തിന് വേണ്ട എല്ലാ സഹായങ്ങളും നല്‍കി നമ്മെ പിന്തുണച്ച നമ്മുടെ സ്‌പോണ്‍സേഴ്സിനും, കലാപരിപാടികളുടെ വിധി നിര്‍ണയം നടത്തിയ ജഡ്ജിങ് പാനല്‍ അംഗങ്ങള്‍ക്കും, പരിപാടിയുടെ സോഫ്റ്റ്വെയര്‍ സപ്പോര്‍ട്ട് നല്‍കിയ JMP സോഫ്റ്റ്വെയര്‍ മാനേജ്‌മെന്റിനും, ഈ പരിപാടി ഒരു വലിയ വിജയമാക്കി മാറ്റിയ എല്ലാ കമ്മിറ്റി അംഗങ്ങള്‍ക്കും പ്രവര്‍ത്തകര്‍ക്കും ഹൃദയത്തിന്റെ ഭാഷയില്‍ നന്ദി രേഖപ്പെടുത്തുന്നു. അതോടൊപ്പം നവംബര്‍ 1ന് ചെല്ടന്‍ഹാമില്‍ വെച്ച നടക്കുന്ന 16മത് നാഷണല്‍ കലാമേളയില്‍ പങ്കെടുക്കുന്ന എല്ലാ മത്സരാര്‍ത്ഥികള്‍ക്കും എല്ലാ വിധ വിജയാശംസകളും അഭിനന്ദനങ്ങളും യുക്മ മിഡ്ലാന്ഡ്സ് കമ്മിറ്റിക്ക് വേണ്ടി റീജണല്‍ പ്രസിഡന്റ് അഡ്വ ജോബി പുതുകുളങ്ങരയും റീജണല്‍ കലാമേള കോര്‍ഡിനേറ്റര്‍ ശ്രീമതി രേവതി അഭിഷേകും അറിയിച്ചു.
രാജപ്പന്‍ വര്‍ഗ്ഗീസ്
(പി ആര്‍ ഒ മിഡ്ലാന്ഡ്സ് റീജിയന്‍)
