നഗ്ന ചിത്രങ്ങള് ആവശ്യപ്പെട്ട് പണവുമായി തന്നെ ഓണ്ലൈനില് സമീപിച്ച യുവാവിന് മറുപടി നല്കി പെണ്കുട്ടി. ലാഷ് എന്ന പെണ്കുട്ടിയാണ് യുവാവിന്റെ യഥാര്ത്ഥ മുഖം തുറന്നുകാട്ടിയത്.
ഒരു വ്യക്തി തന്നെ സമീപിച്ച് 30 ഡോളര് അയച്ചു തന്നു. പകരമായി നഗ്ന ചിത്രങ്ങളാണ് ആവശ്യപ്പെട്ടത്. പണം നല്ല രീതിയില് ഉപയോഗിക്കണമെന്നും അയാള് എന്നോട് പറഞ്ഞു. എന്റെ നഗ്ന ചിത്രങ്ങള് ആവശ്യപ്പെട്ടയാള്ക്ക് ഞാന് ഒരു വീഡിയോ അയച്ചു നല്കി. റെസ്റ്റൊറന്റിലെത്തി അയാള് അയച്ചു നല്കിയ മുപ്പത് ഡോളര് ഉപയോഗിച്ച് നല്ല ന്യൂഡില്സ് കഴിക്കുന്നതിന്റെ ദൃശ്യങ്ങള്. യുവാവുമായുള്ള സംഭാഷണത്തിന്റെ സ്ക്രീന് ഷോട്ടുകളും ന്യൂഡില്സിന്റെ ചിത്രവും അവര് തന്നെയാണ് ട്വിറ്ററില് പങ്കുവച്ചത്. പെണ്കുട്ടിയുടെ മറുപടിയെ അഭിനന്ദിക്കുകയാണ് സോഷ്യല്മീഡിയ.