ഐഫോണ് 5 ഉപയോക്താക്കള്ക്കായി സുപ്രധാന വാര്ത്തയുമായി ആപ്പിള്. എത്രയും പെട്ടെന്ന് ഈ ഫോണുകളിലെ ഐഒഎസ് വേര്ഷന് അപ്ഡേറ്റ് ചെയ്യാനാണ് ആപ്പിള് ഉപയോക്താക്കളോട് ആവശ്യപ്പെടുന്നത്. നവംബര് 3നുള്ളില് അപ്ഡേറ്റ് ചെയ്യാത്ത പക്ഷം ബ്രൗസിംഗ് പോലുള്ള അടിസ്ഥാന പ്രവര്ത്തനങ്ങള് തടസ്സപ്പെടുമെന്നാണ് മുന്നറിയിപ്പ്.
ഐഫോണ് 5 ഐഒഎസ് അപ്ഡേറ്റ് ചെയ്യാത്തവര്ക്ക് ആപ്പ് സ്റ്റോര്, ഐക്ലൗഡ് സേവനങ്ങളും നിഷേധിക്കപ്പെടും. ഡിവൈസുകള് ഐഒഎസ് 10.3.4 വേര്ഷനിലേക്ക് അപ്ഡേറ്റ് ചെയ്യാനാണ് ആപ്പിള് ഔദ്യോഗിക അറിയിപ്പില് ആവശ്യപ്പെടുന്നത്.
ജിപിഎസ് സഹായത്തോടെ പ്രവര്ത്തിക്കുന്ന പ്രൊഡക്ടുകള്ക്ക് ഏപ്രില് 6 മുതല് ജിപിഎസ് സമയമാറ്റം നടപ്പാക്കിയിരുന്നു. ഇതിന്റെ ഭാഗമായാണ് പുതിയ അപ്ഡേറ്റ്. നവംബര് 3ന് മുന്പ് ഐഫോണ് 5 അപ്ഡേറ്റ് ചെയ്യാത്തവര് മാക്, പിസി ഉപയോഗിച്ച് ബാക്ക് അപ്, റീസ്റ്റോര് ചെയ്യേണ്ടി വരുമെന്നും ആപ്പിള് അറിയിച്ചു.