കോവിഡ് വാക്സിന് സ്വീകരിച്ച ബ്രിട്ടീഷ് യുവതിക്ക് അജ്ഞാതരോഗം കണ്ടെത്തിയ സാഹചര്യത്തില് ഇന്ത്യയിലെ വാക്സിന് പരീക്ഷണത്തിനായി ആളുകളെ തിരഞ്ഞെടുക്കുന്നത് ഇനി ഒരു ഉത്തരവ് ഉണ്ടാവുന്നതുവരെ നിര്ത്തിവെക്കണമെന്ന് സെറം ഇന്സ്റ്റിറ്റ്യൂട്ടിന് ഡ്രഗ്സ് കണ്ട്രോളര് ഓഫ് ഇന്ത്യയുടെ(ഡിസിജിഐ) നിര്ദേശം. ഓക്സ്ഫഡ് സര്വകലാശാല വികസിപ്പിച്ച കോവിഡ് വാക്സിന്റെ ഇന്ത്യയിലെ പരീക്ഷണത്തിന് നേതൃത്വം നല്കുന്നത് സെറം ഇന്സ്റ്റിറ്റ്യൂട്ടാണ്.
വാക്സിന് പരീക്ഷണത്തില് പങ്കുചേര്ന്നവരുടെ സുരക്ഷാനിരീക്ഷണം ശക്തമാക്കണം, ഇത് സംബന്ധിച്ച റിപ്പോര്ട്ട് സമര്പ്പിക്കണം. പരീക്ഷണത്തിന് ആളുകളെ തിരഞ്ഞെടുക്കുന്നത് പുനരാരംഭിക്കുന്നതിന് മുന്പ് യുകെയിലേയും ഇന്ത്യയിലേയും ഡാറ്റ ആന്റ് സേഫ്റ്റി മോണിറ്ററിങ് ബോര്ഡില്(ഡിഎസ്എംബി) നിന്നുള്ള ക്ലിയറന്സ് സര്ട്ടിഫിക്കറ്റ് സമര്പ്പിക്കാനും സെറം ഇന്സ്റ്റിറ്റ്യൂട്ടിനോട് ഡിസിജിഐ ആവശ്യപ്പെട്ടിട്ടുണ്ട്.
