മുഖത്ത് കരുവാളിപ്പ്, ഡാര്‍ക്ക് സര്‍ക്കിള്‍സ്, മുഖക്കുരുവിന്റെ പാടുകള്‍ എന്നിവ മിക്കവരിലും കാണുന്ന ചര്‍മ്മ പ്രശ്‌നങ്ങളാണ്. കറ്റാര്‍വാഴ ഒരു പ്രകൃതിദത്ത മോയ്സ്ചറൈസറാണ്. ഇത് ചര്‍മ്മത്തിന് പോഷണം നല്‍കുന്നു. വേനല്‍ക്കാലത്ത് നമ്മളില്‍ മിക്കവരും നേരിടുന്ന ഒരു സാധാരണ പ്രശ്‌നമാണ് ടാനിംഗും പൊള്ളലും. സൂര്യതാപം മൂലം ചര്‍മ്മത്തില്‍ ചുവപ്പും ചൊറിച്ചിലും അനുഭവപ്പെടുന്നു. കറ്റാര്‍വാഴ ഈ പ്രശ്‌നം ഒരു പരിധി വരെ തടയുന്നു. മുഖത്തിന് ഭംഗി കൂട്ടാന്‍ പ്രകൃതിദത്തമായി രീതിയില്‍ ഉപയോഗിക്കാവുന്നതാണ് കറ്റാര്‍വാഴ. ആന്റി ബാക്ടീരിയല്‍, ആന്റി ഫംഗല്‍ ഗുണങ്ങളാല്‍ സമ്പുഷ്ടമാണ് കറ്റാര്‍വാഴ. സണ്‍ ടാണ്‍ മാറാന്‍ കറ്റാര്‍വാഴ കൊണ്ട് ഫേസ് പാക്കുകള്‍ പരീക്ഷിക്കാം.
രണ്ട് സ്പൂണ്‍ വെളിച്ചെണ്ണയില്‍ അല്‍പം കറ്റാര്‍വാഴ ജെല്‍ യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. നന്നായി ഉണങ്ങി കഴിഞ്ഞാല്‍ കഴുകി കളയുക.
രണ്ട്
1 ടേബിള്‍ സ്പൂണ്‍ കറ്റാര്‍വാഴ ജെല്ലും 1 ടേബിള്‍ സ്പൂണ്‍ റോസ് വാട്ടറും യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക.
മൂന്ന്
രണ്ട് സ്പൂണ്‍ തൈരും അല്‍പം കറ്റാര്‍വാഴ ജെല്ലും യോജിപ്പിച്ച് മുഖത്തും കഴുത്തിലുമായി പുരട്ടുക. ഉണങ്ങി കഴിഞ്ഞാല്‍ തണുത്ത വെള്ളത്തില്‍ മുഖം കഴുകുക.
