കെപിസിസി മുന് അധ്യക്ഷന് മുല്ലപ്പള്ളി രാമചന്ദ്രന് എതിരെ വീണ്ടും പോസ്റ്റര്. നാദാപുരം നിയോജക മണ്ഡലത്തിലെ വിവിധ ഭാഗങ്ങളിലാണ് പോസ്റ്ററുകള് പ്രത്യക്ഷപ്പെട്ടത്. മുല്ലപ്പള്ളി രാമചന്ദ്രന് ഇനിയും അധികാരക്കൊതി മാറിയില്ലേയെന്നാണ് വിമര്ശനം. മുല്ലപ്പള്ളി നാദാപുരത്ത് മത്സരിച്ചേക്കും എന്ന വാര്ത്ത പുറത്ത് വന്നതോടെ യു.ഡി.എഫ് അണികളിലും സാമൂഹ്യ മാധ്യമങ്ങളിലും വന് പ്രധിഷേധമാണ് ഉയരുന്നത്.
മണ്ഡലത്തിലെ വാണിമേല്, വളയം, പാറക്കടവ്, തൂണേരി, കല്ലാച്ചി, നാദാപുരം ഭാഗങ്ങളിലാണ് പോസ്റ്ററുകള് പ്രത്യക്ഷപ്പെട്ടത്. 'നാദാപുരത്ത് മുല്ലപ്പള്ളിയാണ് സ്ഥാനാര്ഥിയെങ്കില് നിലം തൊടാതെ തോല്പ്പിച്ചിരിക്കും, തീര്ച്ച' എന്നാണ് പോസ്റ്ററില് പറയുന്നത്. നാദാപുരത്തിന് മുല്ലപ്പള്ളിയെ വേണ്ടെന്നും പോസ്റ്ററില് പറയുന്നു. സേവ് കോണ്ഗ്രസ് എന്ന പേരിലാണ് പോസ്റ്ററുകള് പ്രത്യക്ഷപ്പെട്ടിരിക്കുന്നത്. '7ഏഴ് തവണ എംപി, 2 തവണ കേന്ദ്രമന്ത്രി, കെപിസിസി പ്രസിഡന്റ്, എഐസിസി സെക്രട്ടറി. ഇനിയും അധികാരക്കൊതി തീര്ന്നില്ലേ' എന്നും പോസ്റ്ററില് വിമര്ശനം.
നിയമസഭാ തെരഞ്ഞെടുപ്പില് മത്സരിക്കാനുള്ള നീക്കം സജീവമാക്കുന്നതിനിടെ അഴിയൂരില് മുല്ലപ്പള്ളി രാമചന്ദ്രനെതിരെ കഴിഞ്ഞദിവസം പോസ്റ്ററുകള് പ്രത്യക്ഷപ്പെട്ടിരുന്നു. മുല്ലപ്പള്ളി ഇനി വിശ്രമജീവിതം നയിക്കട്ടെയെന്നാണ് സേവ് കോണ്ഗ്രസിന്റെ പേരിലുള്ള പോസ്റ്ററിലുള്ളത്. ഇതിന് പിന്നാലെയാണ് നാദാപുരത്തും പോസ്റ്ററുകള് പ്രത്യക്ഷപ്പെട്ടിരിക്കുന്നത്.
