മകളെ കൊന്ന് കട്ടിലില് ഇട്ടിട്ട് ഇവന് അവളുടെ ഫോണില്നിന്ന് അവളുടെ സുഹൃത്തിന് സന്ദേശമയച്ചു. 20 മിനിറ്റോളം ജീവനറ്റു കിടന്ന മകളുടെ അടുത്തിരുന്നാണ് ഇവന് ചാറ്റി ചെയ്തത്. അയച്ച സന്ദേശങ്ങളില് അവനെ നല്ലവനായി ചിത്രീകരിച്ചു. പാവമാണ് ചേട്ടന്, ഞാന് തെറ്റിദ്ധരിക്കുകയായിരുന്നു. 15 ലക്ഷം അക്കൗണ്ടില് ഇട്ടുതന്നു എന്നൊക്കെ സന്ദേശം അയച്ചു. ഒടുവില് എനിക്ക് നെഞ്ചുവേദന എടുക്കുന്നു, കിടക്കട്ടെ, നാളെ കാണാം... എന്നു പറഞ്ഞാണ് അവളുടെ ഫോണില് നിന്നും കൂട്ടുകാരിയ്ക്ക് സന്ദേശമയച്ചത്.
നാടിനെ നടുക്കിയ കൃതി കൊലക്കേസില് കൃതിയുടെ അച്ഛന് വെളിപ്പെടുത്തിയത് ഞെട്ടിക്കുന്ന കാര്യങ്ങളാണ് .ആസൂത്രിതമായി നടത്തിയ കൊലപാതകം എന്നു തെളിയിക്കാന് ഈ മൊഴി മതി. കൃതി എഴുതിവച്ച കുറിപ്പുകളും രണ്ടാം ഭര്ത്താവ് വൈശാഖിനെതിരായ തെളിവാണ്. മരണം മുന്നില് കണ്ടാണ് ജീവിക്കുന്നതെന്ന് കൃതി എഴുതിയിരുന്നു. താന് മരിച്ചാല് സ്വത്തിന് മകള് മാത്രമായിരിക്കും അവകാശിയെന്ന് കൃതി പറഞ്ഞിരുന്നു.
ഫേസ്ബുക്കിലൂടെ പരിചയപ്പെട്ട വൈശാഖുമായി അടുത്ത കൃതിയുടെ രണ്ടാം വിവാഹമായിരുന്നു. മൂന്നു വയസ്സുള്ള കുഞ്ഞുമുണ്ട്.