ഓവര്‍സീസ് റസിഡന്റ് മലയാളീസ് അസോസിയേഷന് 'ഓര്‍മ ഇന്റര്‍നാഷനല്‍' വിദ്യാര്‍ഥികള്‍ക്കായി സംഘടിപ്പിക്കുന്ന അന്താരാഷ്ട്ര പ്രസംഗ മത്സരം മുന്നാം സീസണിലേക്ക്
മൂന്നുഘട്ടങ്ങളിലായി നടക്കുന്ന മത്സരത്തില്‍ വിജയികള്‍ക്കായി ഈ സീസണിലും 10 ലക്ഷം രൂപയുടെ കാഷ് അവാര്‍ഡുകളുണ്ട്.
ആദ്യഘട്ട മത്സരം ഏപ്രില്‍ 15 വരെയാണ്. ആദ്യഘട്ടത്തില്‍ മികച്ച പ്രകടനം നടത്തുന്ന ജൂനിയര്‍, സീനിയര്‍ കാറ്റഗറികളിലെ ഇംഗ്ലിഷ്, മലയാളം വിഭാഗം വിദ്യാര്‍ഥിക ളില്‍നിന്നു തിരഞ്ഞെടുക്കപ്പെടുന്ന 25 വീതം പേര്‍ക്കു രണ്ടാംഘട്ടത്തില്‍ മത്സരിക്കാം. രണ്ടാം റൗണ്ടില്‍ വിജയിക്കുന്ന 13 വീതം വി ദ്യാര്‍ഥികള്‍ ഫൈനല്‍ റൗണ്ടിലെത്തും.
റജിസ്റ്റര്‍ ചെയ്യുന്ന സമയത്തു പഠിക്കുന്ന ഗ്രേഡ് അനുസരിച്ച്, 7-ാം ക്ലാസ് മുതല്‍ 10-ാം ക്ലാസ് വരെയുള്ളവര്‍ക്കു ജൂനിയറിലും 11-ാം ക്ലാസ് മുതല്‍ ഡിഗ്രി അവസാനവര്‍ഷം വരെയുള്ളവര്‍ക്കു സീനിയറിലും മത്സരിക്കാം. ഗ്രാന്‍ഡ് ഫിനാലെ ഓഗസ്റ്റ് 8നും 9നും പാലായില്‍.
പ്രസംഗവിഷയം : ലോകസമാധാനം, 3 മിനിറ്റില്‍ കവിയാത്ത പ്രസംഗത്തിന്റെ വിഡിയോ, ഗൂഗിള്‍ഫോമിലൂടെ അപ്ലോഡ് ചെയ്യണം.
രജിസ്‌ട്രേഷന്‍ ഫോമിനും, കൂടുതല്‍ വിവരങ്ങള്‍ക്കും www.ormaspeech.org എന്ന വെബ്‌സൈറ്റ് സന്ദര്‍ശിക്കുക.
ഫോണ്‍: എബി ജെ ജോസ്, 9074177464, ജോസ് തോമസ് +1 412 656 4853.
ഓഗസ്റ്റ് 8, 9 തീയതികളിലായി നടക്കുന്ന മത്സരവും രജിസ്‌ട്രേഷനും തികച്ചും സൗജന്യമായി ആണ് നടക്കുന്നത്.
മത്സരത്തിന്റെ ആദ്യ റൗണ്ടില്‍ നിന്നും തിരഞ്ഞെടുക്കപ്പെടുന്ന കുട്ടികള്‍ക്ക് സൗജന്യമായി നിരന്തര പ്രസംഗ പരിശീലനം നല്‍കിയാണ് മത്സരാര്‍ത്ഥികളെ ഫിനാലയിലേക്ക് തയ്യാറാക്കുന്നത്.
മുന്‍ സീസണുകളിലെ മത്സരാര്‍ത്ഥികളും വിജയികളും ഏറെ പ്രതീക്ഷയോടെയാണ് മൂന്നാം സീസണ്‍ ആയി കാത്തിരിക്കുന്നത്.
Short news video with Narration
https://youtu.be/QsKSeVM8pPY
Short news video with out Narration
https://youtu.be/nJw13pDffkU
