പതിനാറാമത് യുക്മ ദേശീയ കലാമേളയ്ക്ക് മുന്നോടിയായുള്ള റീജിയണല്‍ കലാമേളകള്‍ക്ക് തുടക്കം കുറിച്ച് കൊണ്ടുള്ള ആദ്യ കലാമേള ഇന്ന് സെപ്റ്റംബര്‍ 27 ശനിയാഴ്ച വെയിത്സിലെ ന്യൂപോര്‍ട്ടില്‍ അരങ്ങേറുന്നു. കലാമേള ഏറ്റവും ഭംഗിയായി നടത്തുന്നതിന് വേണ്ട തയ്യാറെടുപ്പുകള്‍ പൂര്‍ത്തിയായതായി റീജിയണല്‍ ഭാരവാഹികള്‍ അറിയിച്ചു.
ഒരു പതിറ്റാണ്ടിന് ശേഷം വെയിത്സില്‍ മടങ്ങിയെത്തുന്ന കലാമേളയ്ക്ക് ഉജ്ജ്വല വരവേല്‍പ്പ് നല്‍കുവാന്‍ ഒരുങ്ങുകയാണ് വെയിത്സ് മലയാളികള്‍. ന്യൂപോര്‍ട്ട് കേരള കമ്മ്യൂണിറ്റി ആതിഥേയത്വം വഹിക്കുന്ന റീജിയണല്‍ കലാമേളയില്‍ പങ്കെടുക്കുന്നതിന് വിവിധ അംഗ അസ്സോസ്സിയേഷനുകളില്‍ നിന്ന് ഇതിനോടകം ഇരുന്നൂറിലേറെ മത്സരാര്‍ത്ഥികള്‍ പേര് രജിസ്ട്രര്‍ ചെയ്തിട്ടുണ്ട്.
ന്യൂപോര്‍ട്ട് സെന്റ് ജൂലിയന്‍സ് ഹൈസ്‌കൂളില്‍ വെച്ച് നടത്തപ്പെടുന്ന റീജിയണല്‍ കലാമേളയുടെ വിജയകരമായ നടത്തിപ്പിന് വേണ്ടി റീജിയണല്‍ കമ്മിറ്റിയുടെ നേതൃത്വത്തില്‍ വിപുലമായ സ്വാഗതസംഘം രൂപീകരിച്ച് ഒരുക്കങ്ങള്‍ ദൃതഗതിയില്‍ പൂര്‍ത്തിയാക്കി.
പത്ത് വര്‍ഷങ്ങള്‍ക്ക് ശേഷം പുനരാരംഭിക്കുന്ന വെയിത്സ് റീജീയണല്‍ കലാമേളയുടെ സുഗമമായ നടത്തിപ്പിന് വേണ്ട സഹായ സഹകരണങ്ങളും മാര്‍ഗ്ഗ നിര്‍ദ്ദേശങ്ങളും നല്‍കി യുക്മ ദേശീയ പ്രസിഡന്റ് അഡ്വ. എബി സെബാസ്റ്റ്യന്‍, ജനറല്‍ സെക്രട്ടറി ജയകുമാര്‍ നായര്‍, ട്രഷറര്‍ ഷീജോ വര്‍ഗ്ഗീസ്, വൈസ് പ്രസിഡന്റും ദേശീയ കലാമേള കണ്‍വീനറുമായ വര്‍ഗ്ഗീസ് ഡാനിയല്‍, വൈസ് പ്രസിഡന്റ് സ്മിത തോട്ടം, ജോയിന്റ് സെക്രട്ടറിമാരായ സണ്ണിമോന്‍ മത്തായി, റെയ്‌മോള്‍ നിധീരി, റീജിയണില്‍ നിന്ന് തന്നെയുള്ള ദേശീയ ജോയിന്റ് ട്രഷറര്‍ പീറ്റര്‍ താണോലില്‍ എന്നിവരുടെ നേതൃത്വത്തില്‍ യുക്മ ദേശീയ സമിതി ഒന്നടങ്കം വെയിത്സ് റീജിയണല്‍ കമ്മിറ്റിയോടൊപ്പമുണ്ട്.
വെയിത്സ് റീജിയണല്‍ പ്രസിഡന്റ് ജോഷി തോമസ്, ദേശീയ സമിതിയംഗം ബെന്നി അഗസ്റ്റിന്‍, സെക്രട്ടറി ഷെയ്‌ലി തോമസ്, ട്രഷറര്‍ ടോംബിള്‍ കണ്ണത്ത്, ആര്‍ട്ട്‌സ് കോര്‍ഡിനേറ്റര്‍ ജോബി മാത്യു, വൈസ് പ്രസിഡന്റ് പോളി പുതുശ്ശേരി, ജോയിന്റ് സെകട്ടറി ഗീവര്‍ഗ്ഗീസ് മാത്യു, ജോയിന്റ് ട്രഷറര്‍ സുമേഷ് ആന്റണി, സ്‌പോര്‍ട്ട്‌സ് കോര്‍ഡിനേറ്റര്‍ സാജു സലിംകുട്ടി, പി.ആര്‍.ഒ. റിയോ ജോണി, റീജിയണിലെ അംഗ അസ്സോസ്സിയേഷന് ഭാരവാഹികളായ തോമസ്‌കുട്ടി ജോസഫ്, തോമസ് ഒഴുങ്ങാലില്‍, രതീഷ് രവി, ലിജോ വി തോമസ്, ബിജു പോള്‍, അലന്‍ പോള്‍ പുളിക്കല്‍, ആന്‍സ് ജോസഫ്, ജെസ്സി തോമസ്, അഭിലാഷ് കുമാര്‍, രാജില്‍ രാമന്‍ എന്നിവരുടെ നേതൃത്വത്തില്‍ വളരെ വിപുലമായ ഒരുക്കങ്ങളാണ് കലാമേളയുടെ വിജയകരമായ നടത്തിപ്പിന് വേണ്ടി ചെയ്തിരിക്കുന്നത്.
ദേശീയ കലാമേളക്ക് മുന്നോടിയായി നടത്തപ്പെടുന്ന റീജിയണല്‍ കലാമേളകള്‍ ഒക്ടോബര്‍ 04 ശനിയാഴ്ച യോര്‍ക്ഷയര്‍ ആന്‍ഡ് ഹംബര്‍, സൗത്ത് ഈസ്റ്റ് റീജിയനുകളിലും ഒക്ടോബര്‍ 11 ശനിയാഴ്ച നോര്‍ത്ത് വെസ്റ്റ്, മിഡ്‌ലാന്‍ഡ്‌സ് റീജിയനുകളിലും ഒക്ടോബര്‍ 18 ശനിയാഴ്ച ഈസ്റ്റ് ആംഗ്ലിയ, സൗത്ത് വെസ്റ്റ് റീജിയനുകളിലും നടത്തപ്പെടും.
റീജിയണല്‍ കലാമേളകളിലെ വിജയികളാവും യുക്മ കലാമേള മാനുവലിലെ നിബന്ധനകള്‍ക്ക് അനുസൃതമായി ദേശീയ കലാമേളയില്‍ പങ്കെടുക്കുവാന്‍ അര്‍ഹരാവുക.
യോര്‍ക്ക്ഷെയര്‍ ആന്‍ഡ് ഹംബര്‍ റീജിയണല്‍ മത്സരങ്ങള്‍ക്ക് പ്രസിഡന്റ് അമ്പിളി സെബാസ്ത്യന്‍, ദേശീയ സമിതിയംഗം ജോസ് വര്‍ഗ്ഗീസ്, സെക്രട്ടറി അജു തോമസ്, സൗത്ത് ഈസ്റ്റ് റീജിയന്‍ മത്സരങ്ങള്‍ക്ക് പ്രസിഡന്റ് ജിപ്‌സണ്‍ തോമസ്, ദേശീയ സമിതിയംഗം സുരേന്ദ്രന്‍ ആരക്കോട്ട്, സെക്രട്ടറി സാംസണ്‍ പോള്‍, നോര്‍ത്ത് വെസ്റ്റ് റീജിയന്‍ മത്സരങ്ങള്‍ക്ക് പ്രസിഡന്റ് ഷാജി തോമസ് വരാക്കുടി, ദേശീയ സമിതിയംഗം ബിജു പീറ്റര്‍, സെക്രട്ടറി സനോജ് വര്‍ഗീസ്, മിഡ്‌ലാന്‍ഡ്‌സ് റീജിയന്‍ മത്സരങ്ങള്‍ക്ക് പ്രസിഡന്റ് അഡ്വ. ജോബി പുതുക്കുളങ്ങര, ദേശീയ സമിതിയംഗം ജോര്‍ജ്ജ് തോമസ്, സെക്രട്ടറി ലൂയിസ് മേനാച്ചേരി, ഈസ്റ്റ് ആംഗ്ലിയ റീജിയന്‍ മത്സരങ്ങള്‍ക്ക് പ്രസിഡന്റ് ജോബിന്‍ ജോര്‍ജ്ജ്, ദേശീയ സമിതിയംഗം ജയ്‌സണ്‍ ചാക്കോച്ചന്‍, സെക്രട്ടറി ഭുവനേഷ് പീതാംബരന്‍, സൗത്ത് വെസ്റ്റ് റീജിയന്‍ മത്സരങ്ങള്‍ക്ക് പ്രസിഡന്റ് സുനില്‍ ജോര്‍ജ്ജ്, ദേശീയ സമിതിയംഗം രാജേഷ് രാജ്, സെക്രട്ടറി ജോബി തോമസ് എന്നിവര്‍ നയിക്കുന്ന റീജിയണല്‍ കമ്മിറ്റികള്‍ നേതൃത്വം നല്‍കും.
കേരളീയ കലാരൂപങ്ങള്‍ കണ്ടാസ്വദിക്കുന്നതിനും മത്സരാര്‍ത്ഥികളെ പിന്തുണക്കുന്നതിനും മുഴുവന്‍ വെയിത്സ് മലയാളികളും സെപ്റ്റംബര്‍ 27 ന് ന്യൂപോര്‍ട്ടില്‍ എത്തിച്ചേരുമെന്ന് പ്രതീക്ഷിക്കുന്നതായി സംഘാടക സമിതി അറിയിച്ചു. നീണ്ട കാലയളവിന് ശേഷം വെയിത്സ് റീജിയണില്‍ നടക്കുന്ന കലാമേളയ്ക്ക് മുഴുവന്‍ വെയിത്സ് മലയാളികളുടെയും പിന്തുണയും സഹകരണവും ഉണ്ടാകണമെന്ന് യുക്മ ദേശീയ സമിതിയും വെയിത്സ് റീജിയണല്‍ കമ്മിറ്റിയും അഭ്യര്‍ത്ഥിച്ചു.
കുര്യന്‍ ജോര്‍ജ്ജ്
(നാഷണല്‍ പി.ആര്‍.ഒ & മീഡിയ കോര്‍ഡിനേറ്റര്‍)
