കണ്ണൂര് എഡിഎം ആയിരുന്ന നവീന് ബാബുവിന്റെ ക്വാട്ടേഴ്സില് പരാതിക്കാരനായ പ്രശാന്തന് എത്തിയെന്ന് ആരോപിക്കപ്പെടുന്ന ദിവസം ഇരുവരും കണ്ടുമുട്ടിയതിന്റെ സിസിടിവി ദൃശ്യങ്ങള് പുറത്ത്. പള്ളിക്കരയിലെ ക്വാട്ടേഴ്സിന്റെ മുന്നില്വെച്ച് ഇരുവരും കണ്ടുമുട്ടുകയും സംസാരിക്കുകയും ചെയ്യുന്നതിന്റെ സിസിടിവി ദൃശ്യങ്ങളാണ് പുറത്തുവന്നത്.
കണ്ണൂര് എഡിഎം ആയിരുന്ന നവീന് ബാബുവിന്റെ ക്വാട്ടേഴ്സില് പരാതിക്കാരനായ പ്രശാന്തന് എത്തിയെന്ന് ആരോപിക്കപ്പെടുന്ന ദിവസം ഇരുവരും കണ്ടുമുട്ടിയതിന്റെ സിസിടിവി ദൃശ്യങ്ങള് പുറത്ത്. പള്ളിക്കരയിലെ ക്വാട്ടേഴ്സിന്റെ മുന്നില്വെച്ച് ഇരുവരും കണ്ടുമുട്ടുകയും സംസാരിക്കുകയും ചെയ്യുന്നതിന്റെ സിസിടിവി ദൃശ്യങ്ങളാണ് പുറത്തുവന്നത്.
ഇരുവരും റോഡില് നിന്നും സംസാരിക്കുന്നത് ദൃശ്യങ്ങളില് വ്യക്തമാണ്. ഒക്ടോബര് ആറാം തീയതിയിലെ ദൃശ്യങ്ങളാണ് പുറത്തുവരുന്നത്. പെട്രോള് പമ്പിന്റെ എന്ഒസി ലഭിക്കാന് പ്രശാന്ത് ബാബു നവീന് ബാബുവിന് 98,500 രൂപ നല്കിയെന്ന് പറയുന്ന ദിവസത്തെ ദൃശ്യങ്ങളാണിത്. അതേസമയം പണം നല്കിയെന്ന് ദൃശ്യത്തിന്റെ അടിസ്ഥാനത്തില് സ്ഥിരീകരിക്കാന് കഴിയില്ല.
പരാതിക്കാരന് ബൈക്കിലും നവീന് ബാബു നടന്നുമാണ് വരുന്നത്. ശേഷം കൃഷ്ണമേനോന് സ്മാരക വനിതാ കോളേജ് റോഡില്വെച്ച് ഇരുവരും ഒരേ ദിശയിലേക്ക് നീങ്ങുകയായിരുന്നു.
പെട്രോള് പമ്പിന് അനുമതി നല്കാന് തന്റെ കൈയ്യില് നിന്നും പണം വാങ്ങിയെന്നായിരുന്നു പരാതിക്കാരനായ സംരംഭകന് പ്രശാന്ത് ആരോപിച്ചത്. ഒരു ലക്ഷം രൂപ നവീന് ആവശ്യപ്പെട്ടെങ്കിലും പലയിടത്തുനിന്നായി സംഘടിപ്പിച്ച 98,500 രൂപ താന് കൊടുത്തെന്നാണ് പ്രശാന്തന് പറയുന്നത്.