പ്രേക്ഷകര്‍ ആകാംക്ഷയോടെ കാത്തിരിക്കുന്ന പുഷ്പ 2 ട്രെയിലര്‍ പുറത്തിറങ്ങി. ഡിസംബര്‍ 5ന് തീയേറ്ററുകളില്‍ എത്തുന്ന സുകുമാര്‍ സംവിധാനം ചെയ്യുന്ന ചിത്രം 'വൈല്‍ഡ്ഫയര്‍' ആക്ഷന്‍ ഉറപ്പ് നല്‍കുന്നുവെന്ന് ട്രെയിലര്‍ വ്യക്തമാക്കുന്നു.
അല്ലു അര്‍ജ്ജുന്റെ പുഷ്പ രാജും, ഫഹദ് ഫാസിലിന്റെ ശേഖാവത്തും തമ്മിലുള്ള പോരാട്ടമാണ് പുഷ് 2- ദി റൂള്‍ ഈസ് ഹിയറിന്റെ ഇതിവൃത്തം. രണ്ട് വര്‍ഷത്തെ ഇടവേള കഴിഞ്ഞാണ് പുഷ്പ രണ്ടാം ഭാഗം എത്തുന്നത്. അധികാരവും, നിയന്ത്രണവും പിടിക്കുന്ന പുഷ്പ രാജിന്റെ കഥയാണ് ചിത്രത്തിലുള്ളത്.
കണ്ണഞ്ചിപ്പിക്കുന്ന വിഷ്വലും, കാതടപ്പിക്കുന്ന ബിജിഎമ്മും ചേര്‍ന്ന് പ്രേക്ഷകരെ കോരിത്തരിപ്പിക്കാനുള്ളതെല്ലാം ഒരുക്കി വെച്ചിട്ടുണ്ടെന്ന് ട്രെയിലര്‍ ഉറപ്പ് നല്‍കുന്നു. ശെഖാവത്ത് പുഷ്പയെ തകര്‍ക്കാന്‍ ശ്രമിക്കുമ്പോള്‍ താന്‍ നാഷണല്‍ അല്ല ഇന്റര്‍നാഷണല്‍ ആണെന്നാണ് പുഷ്പ വ്യക്തമാക്കുന്നത്.
ഡിസംബര്‍ 5ന് റിലീസ് ചെയ്യുന്ന ചിത്രം തെലുങ്കിന് പുറമെ മലയാളം, ഹിന്ദി, തമിഴ്, കന്നഡ, ബംഗാളി ഭാഷകളിലാണ് എത്തുന്നത്.
