ലണ്ടന്‍ മലയാള സാഹിത്യ വേദിയുടെ ബാനറില്‍ കനേഷ്യസ്അത്തിപ്പൊഴിയില്‍ രചനയും സംവിധാനവും നിര്‍വ്വഹിച്ചു റജി നന്തികാട്‌നിര്‍മ്മിക്കുന്ന 'ബ്ലാക്ക് ഹാന്‍ഡ്' എന്ന ഹൃസ്വ ചിത്രത്തിന്റെ ടീസര്‍ പുറത്തിറങ്ങി 'ബാഡ് ടച്ച്' എന്ന പ്രമേയത്തെ അടിസ്ഥാനമാക്കി ലോകമെമ്പാടും നിരവധി സിനിമകള്‍ ഇറങ്ങിയിട്ടുണ്ട്. യുകെ യില്‍ നിന്നും വ്യത്യസ്തമായ ഒരു കഥ പറയുകയാണ് ബ്ലാക്ക് ഹാന്‍ഡിലൂടെ കനേഷ്യസ് അത്തിപ്പൊഴിയില്‍. .2021 -ല്‍ നിരവധി ഇന്റര്‍നാഷണല്‍ ഫെസ്റ്റുവലുകളില്‍ എന്‍ട്രി കരസ്ഥമാക്കിയ, കനേഷ്യസ് അത്തിപ്പൊഴിയില്‍ രചനയും സംവിധാനവും ചെയ്ത കൊമ്പന്‍ വൈറസ് എന്ന ഹൃസ്വചിത്രത്തിനു ശേഷമാണ് 2025 -ല്‍ മറ്റൊരു പബ്ലിക് അവയര്‍നെസ്സ് മൂവിയുമായി എത്തുന്നത്. യു കെ യിലെ ജീവിത സാഹചര്യത്തില്‍ ജോലി സംബന്ധമായ തിരക്ക് കാരണം പലപ്പോഴും കുട്ടികളെ സുഹൃത്തുക്കളുടെ വീട്ടിലും ബന്ധുക്കളുടെ വീട്ടിലും ഒക്കെ ആക്കേണ്ട സാഹചര്യം കാലങ്ങളായി നമ്മള്‍ പിന്തുടരുന്നുണ്ട് ..
ചിലപ്പോഴെങ്കിലും അത് അപകടകരമായ സാഹചര്യങ്ങളില്‍ എത്തിപ്പെട്ട വാര്‍ത്തയും നമ്മള്‍ കേട്ടിട്ടുണ്ട് !ഒരു കുട്ടിയും എവിടെയും പൂര്‍ണ്ണമായും സുരക്ഷിതരല്ല എന്ന സന്ദേശം ആണ് ബ്ലാക്ക് ഹാന്‍ഡിലൂടെ കനേഷ്യസ് അത്തിപ്പൊഴിയില്‍ നല്‍കുവാന്‍ ശ്രമിക്കുന്നത് ! 'നോ കണ്‍ട്രി ഈസ് ഇമ്മ്യൂണ്‍ ,നോ ചൈല്‍ഡ് ഈസ് ഇമ്മ്യൂണ്‍' എന്നതാണ് ഇന്നത്തെ ലോകം നേരിടുന്ന ഏറ്റവും വലിയ പ്രശ്‌നം ..നാലാം ക്ലാസ്സു കാരിയായ ദേവ്‌ന രഞ്ജിത്ത് ആണ് സിനിമയിലെ കേന്ദ്ര കഥാപാത്രമായ എമിലിയുടെ വേഷം ചെയ്തിരിക്കുന്നത് .അസാമാന്യമായ കഴിവുള്ള കുട്ടിയാണ് ദേവ്‌ന രഞ്ജിത്ത് .വളരെ ചെറുപ്പം മുതലേ നൃത്തത്തിലും സംഗീതത്തിലും കഴിവ് തെളിയിച്ച ദേവ്‌ന ,ഴിഞ്ഞ മൂന്ന് തവണയായി യു കെ യിലെ യുക്മാ കലോത്സവത്തിലെ വ്യക്തിഗത ചാമ്പിയന്‍ കൂടിയാണ് .തന്റെ മാതാ പിതാക്കളായ രഞ്ജിത്ത് ഗണേഷിന്റെയും രജനി രഞ്ജിത്തിന്റേയും സഹായത്തോടെ ,സിനിമയിലെ കേന്ദ്ര കഥാപാത്രമായ ദേവ്‌ന രഞ്ജിത്ത് എന്ന എട്ടു വയസുകാരി ലോകത്തിനു ഒരു വലിയ സന്ദേശമാണ് ഈ സിനിമയിലൂടെ നല്‍കുന്നത് .യു കെയിലും 'ലവ് ജിഹാദ് ഉണ്ട് 'എന്ന് വിശ്വസിക്കുന്ന ഫാദര്‍ മാത്യു വടക്കന്‍ എന്ന കഥാപാത്രത്തെ
തന്മയത്തത്തോടെ അവതരിപ്പിച്ചിരിക്കുന്നത് രാകേഷ് ശങ്കരനാണ് .കൂടാതെ രഞ്ജിത്ത് ഗണേഷ് ,ഡോയല്‍ രഞ്ജിത്ത് ,കനേഷ്യസ് അത്തിപ്പൊഴിയില്‍ ,ബിനോയ് ജോര്‍ജ് ,എല്‍ദ സണ്ണി, സിന്‍ഷോ മാത്യു ,ജിന്‍സിമോള്‍ കലിക ,ഷൈനി ബിനോയ് ജോര്‍ജ് .അഷാദ് എസ് ബിജു എന്നിവരും ചിത്രത്തിന്റെ ഭാഗമാകുന്നു .ബ്ലാക്ക് ഹാന്‍ഡ് എന്ന ചിത്രത്തിന് സിനിമാട്ടോഗ്രഫി ചെയ്തിരിക്കുന്നത് ലിഷാന്ത് കന്തസ്വാമിയും ബറാറ്റോ കനേഷ്യസും ചേര്‍ന്നാണ് .ലണ്ടന്‍ സാഹിത്യ വേദിയുടെ ബാനറില്‍ റജി നന്തികാട്ട് നിര്‍മ്മിച്ച് ലിവര്‍ പൂളിലും പരിസര പ്രേദേശത്തുമായി ചിത്രീകരണം പൂര്‍ത്തിയാക്കിയ 'ബ്ലാക്ക് ഹാന്‍ഡ് ' പുതു വര്‍ഷത്തില്‍ പ്രേക്ഷകരുടെ മുന്നില്‍ എത്തും !
ടീസര്‍ കാണുവാന്‍ താഴെ കൊടുത്തിരിക്കുന്ന ലിങ്ക് ഉപയോഗിക്കുക
https://www.youtube.com/watch?v=ITXuKGgFb80
