മോഷ്ടിക്കാന് ഒന്നും ലഭിക്കാത്ത നിരാശയില് വീട്ടിലുണ്ടായിരുന്ന യുവതിയെ ബലമായി ചുംബിച്ച ശേഷം കടന്നുകളഞ്ഞ കള്ളനെ അറസ്റ്റ് ചെയ്ത് പൊലീസ്. മുംബൈയിലെ മലാഡില് വെച്ചാണ് പൊലീസ് കള്ളനെ അറസ്റ്റ് ചെയ്തത്.
മോഷണം നടത്തുക എന്ന ഉദ്ദേശത്തോടെയാണ് കള്ളന് യുവതി താമസിക്കുന്ന വീട്ടിലേക്ക് കയറിയത്. എന്നാല് മോഷ്ടിക്കാന് പാകത്തിന് ഒന്നും കിട്ടിയില്ല. തുടര്ന്നാണ് വിചിത്രമായ പ്രവര്ത്തിയിലേക്ക് കള്ളന് കടന്നത്. വീട്ടില് ഉറങ്ങിക്കിടക്കുകയായിരുന്ന യുവതിയെ ബലമായി ചുംബിച്ച് കള്ളന് കടന്നുകളയുകയായിരുന്നു. യുവതി തന്നെയാണ് പൊലീസില് പരാതി നല്കിയത്. തുടര്ന്ന് നടത്തിയ അന്വേഷണത്തില് പൊലീസ് പ്രതിയെ പിടികൂടി.
